ខេត្តកណ្តាល ៖ បុរសម្នាក់ត្រូវបានសាច់ញាតិនារីលក់ទឹកដូងនាំគ្នាព្រួតវាយ បណ្តាលឱ្យរងរបួសបាក់ដៃខាងឆ្វេង ដោយសារបុរសនោះនិយាយលែបខាយជាមួយនារីលក់ទឹកដូងនៅពេលគិតលុយ ហើយសាច់ញាតិរបស់នាងខឹងក៏នាំគ្នាព្រួតវាយតែម្តង ។ ហេតុការណ៍នេះកើតឡើងកាលពីវេលាម៉ោង៣រសៀលថ្ងៃទី១៧ ឧសភា នៅកន្លែងលក់ដូរមួយស្ថិតនៅភូមិទួលក្តី ឃុំត្រើយស្លា ស្រុកស្អាង ខេត្តកណ្តាល ។
ក្រោយពីកើតហេតុជនរងគ្រោះត្រូវបានគេបញ្ជូន ទៅព្យាបាលនៅរាជធានីភ្នំពេញ ។ ភ្លាមៗនោះជនរងគ្រោះមិនបានដាក់ពាក្យបណ្តឹងទេ លុះមកដល់ថ្ងៃទី១៩ ឧសភា ទើបដាក់ពាក្យប្តឹងជនដៃដល់ទៅប៉ូលិសប៉ុស្តិ៍ត្រើយស្លា ។ មន្ត្រីប៉ូលិសបានឱ្យដឹងថា ជនរងគ្រោះឈ្មោះឡុង លន អាយុ២៥ឆ្នាំមានទីលំនៅភូមិវាលត្រែង ឃុំតាលន់ ស្រុកស្អាង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]