អតិថិជន ឡាន Range Rover សងសឹកក្រុមហ៊ុនលក់ឡាន ដែលមិនដោះស្រាយបញ្ហា

អតិថិជនឡាន Range Rover ដែលទើបតែទិញឡាន Range Rover Sport HSE ថ្មីមួយ ដែលមានតម្លៃជិត 80000 ដុល្លារសហរដ្ឋអាមេរិក នៅក្រុមហ៊ុន លក់ឡានមួយនៅប្រទេស អង់គ្លេស មិនសប្បាយចិត្តនឹង គុណភាពឡាននេះ ហើយ ក្រុមហ៊ុនមិនដោះស្រាយ ជួសជុលបញ្ហារបស់ឡាននេះឲ្យបានសមរម្យ។ ជាការសងសឹកគាត់ក៏ សរសេរបញ្ហាដែលមានជាមួយឡាននេះលើផ្ទៃឡាន និង យកមកចតចោលលើផ្លូវសាធារណៈ នៅមុខក្រុមហ៊ុនលក់ឡាន ។

ក្រុមហ៊ុនមិនអាច ធ្វើអ្វីគាត់បានទេព្រោះគាត់ បានចតឡានលើដងផ្លួវដែលជាកន្លែង សាធារណៈ ។ គាត់បានសរសេរថា បើមិនចង់មានបញ្ហា សូមកុំទិញឡានម៉ាកហ្នឹង!!! ហើយគាត់បានសរសេររាល់បញ្ហាដែលឡាននេះមានរួមទាំងពី បញ្ហាម៉ាស៊ីនត្រជាក់ កៅអី និង គ្រឿងនានា។

តំណាងក្រុមហ៊ុន Jaguar Land Rover ដែលផលិតឡាន Range Rover បានប្រាប់ថាក្រុមហ៊ុនមាន គោលនយោបាយជួសជុលច្បាស់លាស់ និង យ ហើកចិត្តទុកដាក់ខ្ពស់ចំពោះអតិថិជនទាំងឡាយ ។ តាមរបាយការណ៍ ឡានមួយនោះត្រូវបានក្រុមហ៊ុនជួសជុល តាមលក្ខណៈស្ដង់ដាអស់ទៅហើយ តែនៅតែឆ្ងល់ដែលថាម្ចាស់នៅតែមិនពេញចិត្ត ។ ជាចុងក្រោយ ក្រុមហ៊ុនសុខចិត្តផ្ដល់រថយន្ដថ្មីមួយដល់ អតិថិជននេះ ដើម្បីបញ្ចប់បញ្ហា និង ការធ្វើបាតុកម្មរបស់គាត់ ។

តើប្រិយមិត្តដែលបានប្រើប្រាស់ឡាន Range Rover ធ្លាប់មានបញ្ហាជាមួយឡានជាញឹកញាប់ដែរឬទេ?

ដោយ វីន