រាជធានីភ្នំពេញ ៖ ស្ត្រីមានវិបត្តិស្នេហាដោយសារតែប្តីមានស្រីថ្មីបានបីកូន ប្រុសអាយុ៣ឆ្នាំ ជិះម៉ូតូឌុបទៅលោតទឹកសម្លាប់ខ្លួនពីលើស្ពានព្រែកព្នៅ តែពុំបានសម្រេចទេ ត្រូវប្រជាពលរដ្ឋជួយឃាត់ ហើយទាក់ទងហៅប៉ូលិសប៉ុស្តិ៍ព្រែកតាសេក នាំយកទៅអប់រំ ។
ការប៉ុនប៉ងសម្លាប់ខ្លួននេះបានបង្កឱ្យមាន ការភ្ញាក់ផ្អើលកាលពីវេលាម៉ោង៨និង៤៥នាទីព្រឹកថ្ងៃទី២០ ឧសភា នៅលើស្ពានព្រែកព្នៅ ក្នុងសង្កាត់ព្រែកតាសេក ខណ្ឌឫស្សីកែវ ។ តាមប្រភពព័ត៌មានបានឱ្យដឹងថា ស្ត្រីនេះប្រុងទាញដៃកូនតូចលោតទឹកជាមួយខ្លួន ប៉ុន្តែកូនតូចអង្វរ និងយំតោងជើងថា ម៉ែកុំលោតអីខ្លាចណាស់ ហើយត្រូវអ្នកធ្វើដំណើរឃើញហេតុការណ៍ក៏រាយការណ៍ប្រាប់ប៉ូលិស ។ ស្ត្រីដែលគិតខ្លីឈ្មោះសៀត ចាន់ថន អាយុ៣២ឆ្នាំ មានលំនៅសង្កាត់ស្ទឹងមានជ័យ មានស្រុកកំណើតភូមិទឹកហុង ឃុំទ្រាន ស្រុកកំពង់សៀម ខេត្តកំពង់ចាម ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]