ខេត្តបន្ទាយមានជ័យ ៖ ក្រុមក្មេងស្ទាវដែលមានគ្នាចំនួន៦នាក់ បានធ្វើសកម្មភាពហៅក្រុមម្ខាងទៀតពីក្នុងផ្ទះមកវាយនិងកាប់ បណ្តាលឲ្យរងរបួសចំនួន២នាក់ ។ ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី២២ មករា ២០១២ នៅភូមិត្របែកឃុំបន្ទាយនាង ស្រុកមង្គលបូរី។
លោកអនុសេនីយ៍ឯក យ៉ត សុផល អធិការនគរបាលស្រុកមង្គលបូរី បានប្រាប់ឱ្យដឹងថា ជនរងគ្រោះទាំង២នាក់ម្នាក់ឈ្មោះឃួន វណ្ណៈ ភេទប្រុស អាយុ២០ឆ្នាំ ដាច់កូនម្រាមដៃឆ្វេង និងម្នាក់ទៀតឈ្មោះបុត្រ វិចិត្រ ភេទប្រុស អាយុ២១ឆ្នាំ ត្រូវប្រអប់ដៃឆ្វេង អ្នកទាំង២រស់នៅភូមិ-ឃុំខាងលើ។ ចំណែកឯជនដៃដល់មានគ្នាចំនួន៦នាក់មិនត្រូវបានគេស្គាល់អត្តសញ្ញាណនោះទេ គេចខ្លួនបាត់ដោយសុវត្ថិភាព។
លោកអធិការបានបន្តថា មុនពេលកើតហេតុជនដៃដល់ទាំង៦នាក់នេះបានជិះម៉ូតូ២គ្រឿងតាមផ្លូវលំក្នុងភូមិ លុះមកដល់មុខផ្ទះឈ្មោះឈៀង សុណៃ ភេទប្រុស អាយុ៥១ឆ្នាំ នៅភូមិកើតហេតុ ក៏ហៅអ្នកនៅក្នុងផ្ទះដែលកំពុងតែផឹកស៊ីចូលឆ្នាំចិនឲ្យចេញមកក្រៅ។ គ្រាន់តែឮដូច្នោះឈ្មោះពួយ គឹមលី ភេទប្រុស អាយុ១៨ឆ្នាំ ក៏ដើរចេញមក ស្រាប់តែត្រូវពួកក្មេងទាំងនោះវាយតប់ជាច្រើនដៃ បណ្តាលឲ្យរងរបួសជាច្រើនកន្លែង។ខណៈនោះជនរងគ្រោះទាំង២នាក់ចេញមកជួយក៏ត្រូវក្មេងទាំងនោះកាប់ បណ្តាលឲ្យរងរបួសទាំង២នាក់តែម្តង ៕
ដកស្រង់ ពីគេហទំព័រ កោះសន្តិភាព
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
