រាជធានីភ្នំពេញ ៖ រថយន្តប៉ាហ្សេរ៉ូបើកបរដោយបុរសម្នាក់ប៉ះជាមួយនឹងម៉ូតូវីវ៉ា ពណ៌ខ្មៅ បណ្ដាលឱ្យដួលប្រាវ ហើយម្ចាស់រថយន្ដមិនបានជួយមើលជនរងគ្រោះជាអ្នកបើកបរម៉ូតូដែលរង របួសនោះទេ ប៉ុន្តែបែរជាចុះពីរថយន្ដទៅវាយអ្នកបើកបរម៉ូតូ២ដៃថែមទៀត បង្កឱ្យផ្អើលឆោឡោដល់អ្នកធ្វើដំណើរមកជួយធ្វើអន្ដរាគមន៍ ដោយជួយឃាត់អ្នកបើកបររថយន្ដ ហើយបានហៅប៉ូលិសមកធ្វើការដោះស្រាយថែមទៀត។ ហេតុការណ៍នេះបានកើតឡើងកាលពីវេលាម៉ោង១០និង៤០នាទីយប់ថ្ងៃទី១៩ ឧសភា ២០១២ នៅតាមបណ្ដោយផ្លូវកម្ពុជាក្រោម ក្នុងសង្កាត់មិត្ដភាព ខណ្ឌ៧មករា ។
អ្វីដែលគួរឱ្យចាប់អារម្មណ៍ គឺនៅពេលដែលរថយន្ដបង្កបើកចេញទៅប្រមាណ៥០ម៉ែត្រ ស្រាប់តែមានក្មេងស្ទាវ២នាក់ដែលឃើញហេតុការណ៍នេះដែរនោះបានជិះ ម៉ូតូយកដំថ្មទៅគប់ស្ដុបរថយន្ដ បណ្ដាលឱ្យបែកព្រោះតែខឹងនឹងអ្នកបើកបររថយន្ដម្នាក់នេះប្រើអំពើហិ ង្សាមកលើអ្នកបើកបរម៉ូតូហួសហេតុ ហើយមិនត្រូវបានប៉ូលិសនាំខ្លួននោះក៏កើតរឿងជាថ្មី ដោយប៉ូលិសឃាត់ខ្លួនយុវជនបង្កធ្វើឱ្យហេតុការណ៍នេះផ្អើលឆោឡោ ម្ដងទៀត។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]