ខេត្តព្រៃវែង ៖ នៅរសៀលថ្ងៃទី១៧ ឧសភា ភ្នាក់ងារកោះសន្តិភាពបាននាំយកថវិកាចំនួន២០០ដុល្លារ សហរដ្ឋអាមេរិក ដែលជាអំណោយដ៏ថ្លៃថ្លារបស់ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីប្រតិភូអមនាយករដ្ឋមន្ត្រី និងលោកជំទាវ ព្រមទាំងលោកឧកញ៉ា ស្រី ងួន និងលោកជំទាវឧកញ៉ាស្រី វុទ្ធី ព្រមទាំងបុត្រ ទៅប្រគល់ជូននាងក្រមុំឈ្មោះ រ៉េត ស្រីរ័ត្ន ដែលពិការដៃជើង រស់នៅភូមិជើងទឹក ឃុំរោងដំរី ស្រុកបាភ្នំ ។
បច្ចុប្បន្ន នាងរ៉េត ស្រីរ័ត្ន កំពុងរស់នៅ យ៉ាងឯកោ បន្ទាប់ពីឪពុកម្តាយបោះបង់ចោលអស់រយៈពេលច្រើនខែមកហើយ ដោយទុកឱ្យនាងរស់នៅក្នុងភាពលំបាកក្រៃលែង ហើយជីវិតរបស់នាងរស់ពឹងផ្អែកលើអ្នកជិតខាង និងលោកមេភូមិជួយផ្តល់អាហារ និងការពារ ថែរក្សា ។
ការប្រគល់ថវិកានេះ ជាជំហានទី២ដោយមានការចូលរួមជួយដឹងឮពីលោកឈូក ឃត់ មេភូមិជើងទឹក អ្នកស្រីឈុំ ស្រី សមាជិកាភូមិ និងប្រជាពលរដ្ឋដែលរស់នៅក្បែរខាងជាច្រើននាក់ផង ដែរ ។
នាងរ៉េត ស្រីរ័ត្ន បានថ្លែងអំណរគុណលោកឧកញា៉ថុង អ៊ុយប៉ាង និងសហការីទាំងអស់ដែលបានជួយចុះផ្សាយ និងអំពាវនាវដល់សប្បុរសជន ដល់អ្នកម្តាយ និងប្អូនស្រី ដើម្បីឱ្យសប្បុរសជនអាណិតអាសូរផ្តល់ថវិកាជួយទ្រទ្រង់ ជីវិតរបស់នាង ។ នាងសូមថ្លែងអំណរគុណ ឯកឧត្តម លោកជំទាវ លោកឧកញ៉ា និងលោកជំទាវ ឧកញ៉ា ដែលបានដាក់ទានដល់នាងសម្រាប់ប្រើប្រាស់ ពិសេសគឺការមានចំណីអាហារបរិភោគ និងសូមជូនពរឱ្យជួបតែសេចក្តីសុខ និងសេចក្តីចម្រើនកុំបីឃ្លៀងឃ្លាតឡើយ ។
នាងស្រីរ័ត្ន ក៏សូមយកឱកាសនេះអំពាវនាវដល់អ្នកម្តាយ និងប្អូនស្រី ដែលចេញចោលរូបនាងទៅ បើបានឮសម្តីនាងហើយសុំវិលមករកនាងកុំបីខាន ព្រោះនាងរស់នៅឯកោពិបាកខ្លាំងណាស់ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
