ខ្សែភាពយន្ត PIRANHA 3DD ដែលចំណាយកញ្ចប់ថវិកាផលិតអស់ប្រមាណ ២០លានដុល្លារអាមេរិក និង មានរយៈពេលចាក់បញ្ចាំង ៨៣ នាទី នឹងបង្ហាញវត្តមាននៅក្នុងរោងភាពយន្ត The Cineplex និង Legend នាថ្ងៃទី ១ ខែ មិថុនា ខាងមុខនេះ ។
បន្ទាប់ពីបង្កើតព្រឹត្តិការណ៍សោធនាដកម្មមួយនៅបឹង Lake Victoria Piranhaដែលជាត្រីស្រែកឃ្លានឈាម មានធ្មេញស្រួចៗ និង ស៊ីសាច់ជាអាហារ បានបន្តដំណើរលុកលុយរបស់ពួកវាចូលទៅក្នុងសួនទឹកទើបបើកថ្មីមួយកន្លែងឈ្មោះថា Big Wet។ ដោយសារតែចំណង់ដឹកមុខ និស្សិត ៣រូប ដូចជា Maddy និង មិត្តភ័ក្តិរបស់នាង Barry និង Kyle បានបបួលគ្នាទៅងូតទឹកកម្សាន្តនៅសួនទឹក Big Wet នោះ ប៉ុន្តែ នៅពេលពួកគេទាំង ៣ ហែលទឹកលែងដោយក្តីរីករាយ តើ ពួកត្រី Piranha ដែលស៊ីសាច់ឆៅជាអាហារនោះអាចសម្ងំស្ងៀមបានទេ បើចំណីរត់ដល់មាត់ពួកវាទៅហើយ?
ដូច្នេះ បើចង់ជ្រាបថា តើ Piranha អាចហែលចូលក្នុងសួនទឹកដោយរបៀបណា ហើយ តើ និស្សិតទាំង៣ រូបនោះអាចគេចផុតពីធ្មេញស្រួចៗរបស់ Piranhaដែរឬទេ? ចម្ងល់នឹងស្រាយជូនទស្សនិកជននៅរោងភាពយន្តលំដាប់អន្តរជាតិ The Cineplex ផ្សារទំនើបសូរិយាជាន់ទី ៥ និងនៅ Legend នាថ្ងៃទី ១ ខែ មិថុនា៕
Sabay
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]