ក្រុងប៉ោយប៉ែត ៖ រថយន្តកាមរីបាឡែន១គ្រឿងបានពន្លះគូថរថយន្តម៉ាក ឡិចស៊ីស ក្នុងដំណើរស្របទិសគ្នា កាលពីវេលាម៉ោង១០និង៣០នាទីយប់ថ្ងៃទី១៦ ឧសភា លើដងផ្លូវជាតិលេខ៥ ស្ថិតក្នុងភូមិក្បាលកោះ សង្កាត់ប៉ោយប៉ែត តែពុំមានអ្នករងគ្រោះទេ គ្រាន់ តែរថយន្តទាំង២គ្រឿងរងការខូចខាតដូចគ្នា ត្រូវប៉ូលិសនាំទៅកាន់អធិការដ្ឋាននគរបាលក្រុងទាំងយប់ ព្រោះតែការសម្របសម្រួលគ្នាមិនត្រូវ ។
រថយន្តកាមរីបាឡែន ស៊េរី២០០២ ពណ៌ស្ករ ចង្កូតឆ្វេង បើកបរដោយឈ្មោះស៊ុន ហេងពុំងា ភេទប្រុស អាយុ៣៦ឆ្នាំ ជាអាជីវករលក់ដូរនៅផ្សារលុងក្លឿ និងស្នាក់នៅផ្សារលុងក្លឿ ស្រុកអារញ្ញ ខេត្តស្រះកែវ ប្រទេសថៃ ។ ឯ រថយន្តឡិចស៊ីស ពណ៌ស្ករ ចង្កូតឆ្វេង បើកបរដោយឈ្មោះតាំង វ៉ាន់ធឿន ជាប៉ូលិសការពារព្រំដែនគោកវរសេនាតូចលេខ៨៩១ ប្រចាំនៅក្រុងប៉ោយប៉ែត ។ រថយន្តឡិចស៊ីសបានរងការខូចខាតគូទខាងស្តាំ និងបែកកង់ក្រោយទៀតផង ចំណែករថយន្តកាមរីបាឡែន ខូចខាតមុខខាងឆ្វេង ។
ក្រោយហេតុការណ៍កើតឡើង ភាគីទាំង២សម្រួលគ្នាមិនត្រូវ ទើបប៉ូលិសជំនាញក្រោយការវាស់វែងរួចក៏ឱ្យភាគីទាំង២ បើករថយន្តយកទៅទុកនៅអធិការដ្ឋាននគរបាលក្រុង ដើម្បីធ្វើការដោះស្រាយ ។ នៅវេលាម៉ោង៣រសៀលថ្ងៃទី១៧ ឧសភា ប៉ូលិសជំនាញបានប្រាប់ថា ភាគីទាំង២បានសម្រុះសម្រួលត្រូវគ្នាហើយ គឺភាគីរថយន្តកាមរីបាឡែនសុខចិត្តជួយជួសជុល និងសងទៅខាងភាគីរថយន្តឡិចស៊ីស ប៉ុន្តែមិនបានប្រាប់ពីមូលហេតុដែលបណ្តាលឱ្យបុកគ្នាទេ គ្រាន់តែប្រាប់ថា ភាគីទាំង២គ្មានរងរបួសទេ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
