ខេត្តបាត់ដំបង ៖ ក្រុមក្មេងទំនើង២នាក់ក្នុងចំណោម៣នាក់ដែលស្រវឹងជោកជាំបាន ប្រវាយប្រតប់ជាមួយកម្លាំងនគរបាលព្រហ្មទណ្ឌខេត្ត ក្នុងគ្រាដែលក្រុមនគរបាលទាំងនេះព្យាយាមចូលជួយលើកពួកគេដែលជិះ ម៉ូតូជ្រែ ហើយដួលប្រកាច់ប្រកិននៅក្បែរវិទ្យាល័យនេតយ៉ង់ ក្នុងសង្កាត់ព្រែកព្រះស្តេច ក្រុងបាត់ដំបង កាលពីវេលាម៉ោង៧និង៣០នាទីយប់ថ្ងៃទី១៧ ឧសភា មិនតែប៉ុណ្ណោះពួកគេបានព្យាយាមដណ្តើមកាំភ្លើងពីនគរបាលទៀតផង ។
មន្ត្រីនគរបាលព្រហ្មទណ្ឌខេត្តដែលចុះអន្តរា គមន៍បាននិយាយថា លោកស្នងការរងជេត វណ្ណនី បានបញ្ជាឱ្យនគរបាលជួយអន្តរាគមន៍សង្គ្រោះពួកគេក្រោយពីលោកប្រទះ ឃើញក្រុមនេះជិះម៉ូតូជ្រែ ហើយដួលច្រងាប់ច្រងិលខ្លួនឯងនៅលើថ្នល់ស្ទើរតែស្លាប់ ស្ទើររស់ ។ មន្ត្រីដដែលបានបន្តថា ពេលកម្លាំងនគរបាលចូលជួយលើក ស្រាប់តែពួកគេ២នាក់ក្នុងចំណោម៣នាក់ដែលស្រវឹងទន់ខ្លួន បានស្ទុះមកប្រវាយប្រតប់ជាមួយនគរបាលរហូតហ៊ានចូលដណ្តើម កាំភ្លើងខ្លីពីចង្កេះនគរបាលទៀតផង ដែលធ្វើឱ្យអ្នកដំណើរភ្ញាក់ផ្អើលយ៉ាងខ្លាំង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]