រាជធានីភ្នំពេញ ៖ យុវជនស្ទាវមួយក្រុមជិះម៉ូតូឆ្លងស្ពានព្រះមុនីវង្ស បញ្ច្រាសទិសទៅបុករថយន្តកាមរីឆ្លាម ពណ៌ខ្មៅ ផ្លោងបោកនឹងកញ្ចក់រថយន្តបែកក្បាលហូរឈាមរួចនាំគ្នាស្ទុះទៅ ក្របួច.កអាវគំរាមអ្នកបើករថយន្ត ។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង១២និង៣០នាទី រំលងអធ្រាត្រឈានចូលថ្ងៃទី១៨ ឧសភា នៅលើស្ពានព្រះមុនីវង្សចាស់ ក្នុងសង្កាត់ច្បារអំពៅទី២ ខណ្ឌមានជ័យ ។
សាក្សីឃើញហេតុការណ៍បានឱ្យដឹងថា រថយន្តកាមរីឆ្លាម ពណ៌ខ្មៅ បើកបរដោយបុរសម្នាក់ឆ្លងស្ពានព្រះមុនីវង្សចាស់ ពីលិចទៅកើត ដល់ពាក់កណ្តាលស្ពាន ស្រាប់តែមានម៉ូតូមួយគ្រឿងម៉ាកស្តេប ពណ៌ផ្កាឈូក ជិះប្រដេញគ្នាជាមួយម៉ូតូ២ទៅ៣គ្រឿងទៀត មានប្រុស មានស្រីក្នុងល្បឿនលឿនឆ្លងស្ពានបញ្ច្រាសទិសពីកើតទៅលិច ទៅបុករថយន្តកាមរីឆ្លាមចំហៀងខាងស្តាំ បណ្តាលឱ្យអ្នកបើកម៉ូតូផ្លោងទៅបោកនឹងកញ្ចក់រថយន្តបែកក្បាល ហូរឈាមរបួសធ្ងន់ ហើយក្រុមរបស់ពួកគេបានស្ទុះទៅចាប់អ្នកបើកបររថយន្តប្រុង វាយតប់ ប៉ុន្តែត្រូវអ្នកឃើញហេតុការណ៍នាំគ្នារត់ទៅជួយឃាត់ ទើបក្មេងស្ទាវទាំងនោះនាំគ្នាដោះលែងអ្នកបើកបររថយន្តវិញ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
