រាជធានីភ្នំពេញ ៖ ពស់ញីឈ្មោលមួយគូប៉ុនក.ដៃក្មេងបានចេញមកកណ្តាលវាល ហើយស្គារគ្នាទាំងព្រឹកចំថ្ងៃសែនចូលឆ្នាំចិនបានបង្កឱ្យមានការភ្ញាក់ផ្អើលប្រជាពលរដ្ឋមកនាំគ្នាមើលយ៉ាងច្រើនកុះករ ។ ហេតុការណ៍នេះបានកើតឡើងកាលពីវេលាម៉ោង៧ព្រឹកថ្ងៃទី២២ មករា នៅតាមផ្លូវរទេះភ្លើងក្រោយវិទ្យាស្ថានបច្ចេកវិទ្យាកម្ពុជា (សាលាតិចណូ) ស្ថិតក្នុងសង្កាត់បឹងកក់ទី២ ខណ្ឌទួលគោក ។
តាមព័ត៌មានឱ្យដឹងថា នៅវេលាម៉ោងខាងលើដែលជាថ្ងៃសែនចូលឆ្នាំចិន-វៀតណាមស្រាប់តែអ្នកភូមិធ្វើដំណើរតាមដងផ្លូវរថភ្លើងបានប្រទះឃើញពស់ញីឈ្មោលមួយគូខ្មៅរលោងប៉ុនក.ដៃក្មេងចេញមកស្គារគ្នានៅក្បែរដងផ្លូវជិតគុម្ពចេក ដោយពស់មួយមានប្រវែងប្រមាណជិត១ម៉ែត្រដែលប្រជាពលរដ្ឋខ្លះអះអាងថា ជាពស់ព្រៃខ្លះទៀតថា ជាពស់ប្រេងពណ៌ខ្មៅចេញមករមូលចូលគ្នាអស់រយៈពេលប្រមាណជិត១ម៉ោង ហាក់ដូចមិនខ្លាច ទោះបីប្រជាពលរដ្ឋនាំគ្នាថតយ៉ាងជិតក៏ដោយ ។
បន្ទាប់ពីស្គារគ្នាពស់មួយគូនេះបានចូលទៅក្នុងព្រៃគុម្ពចេកបាត់ ហើយមួយសន្ទុះក៏ចេញមកទៀតក្រោយមកចូលទៅបាត់ ។ គួរបញ្ជាក់ថា ក្នុងឆ្នាំរោងពស់នាគរាជធាតុទឹកក្នុង៦០ឆ្នាំមានម្តង តែថ្ងៃចូលឆ្នាំចិន-វៀតណាមឆ្នាំនេះ ស្រាប់តែមានការភ្ញាក់ផ្អើលព្រោះឃើញពស់មួយគូចេញមកស្គារគ្នាតែម្តង ៕
សូមចុច ដើម្បីមើល វិដេអូ
ដកស្រង់ ពីគេហទំព័រ កោះសន្តិភាព
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]