រាជធានីភ្នំពេញ ៖ យុវជនពីរនាក់បងប្អូនដែលជិះម៉ូតូឌុបគ្នា ដោយសារតែរវល់ងាកក្រោយនិយាយគ្នាក៏ជ្រុលទៅបុកគូទម៉ូតូខាងមុខ មួយគ្រឿងបណ្តាលឱ្យដួលសន្លប់ប្រមាណ២០នាទី ទើបដឹងខ្លួនវិញ ។ គ្រោះថ្នាក់នេះបាន កើតឡើងកាលពីវេលាម៉ោង៧និង២០នាទីយប់ ថ្ងៃទី១៦ ឧសភា នៅលើផ្លូវលេខ២៣០ ក្នុងសង្កាត់ផ្សារដើមគ ខណ្ឌទួលគោក ។
សាក្សីឃើញហេតុការណ៍ឱ្យដឹងថា យុវជនទាំងពីរនាក់ជិះម៉ូតូវីវ៉ា ពណ៌ក្រហមឌុបគ្នាតាមផ្លូវលេខ២៣០ ពីលិចទៅកើត ហើយដោយសាររវល់តែងាកក្រោយនិយាយគ្នាក៏ជ្រុលទៅបុកគូទ ម៉ូតូសេ១២៥ ពណ៌ខ្មៅ ដែលជិះនៅខាងមុខ បណ្តាលឱ្យដួលម៉ូតូ ហើយអ្នកជិះពីក្រោយ ដែលអត់ពាក់មួកការពារសុវត្ថិភាពដួលបោកក្បាលសន្លប់ស្តូក ស្តឹងប្រមាណ២០នាទី ទើបដឹងខ្លួនវិញ ។
ចំណែកអ្នកបើកម៉ូតូដែលពាក់មួកការពារ គ្រាន់តែរបួសរលាត់ដៃជើងតិចតួច ដោយឡែកម៉ូតូសេ១២៥នោះ មិនបានដួលទេ និងបានបើកទៅមុខបន្តទៀតបាត់ទៅ ។ក្រោយពេលកើតហេតុ យុវជនដែលមិនសន្លប់បានទូរស័ព្ទហៅបងប្អូនមកជួយដឹក អ្នកដែលសន្លប់ត្រឡប់ទៅផ្ទះវិញ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
