រាជធានីភ្នំពេញ ៖ បុរសស្រវឹងម្នាក់បានបើកម៉ូតូម៉ាកឌ្រីមសេ១២៥ ស៊េរី២០០៦ មួយគ្រឿងទៅបុករថយន្ត CR-V ពណ៌ទឹកប្រាក់ មួយគ្រឿងដែលកំពុងបត់ឆ្លងថ្នល់ បណ្តាលឱ្យរថយន្តក្រពឹត និងខូចខាតបន្តិចបន្តួច។ នៅពេលម្ចាស់រថយន្តទាមទារឱ្យសងថ្លៃខូចខាត បុរសស្រវឹងនោះក៏បានធ្វើជាសន្លប់ស្តូកស្តឹងក្បែរម៉ូតូដល់ ពេលម្ចាស់រថយន្តថា មិនបាច់សង់ថ្លៃខូចខាតរថយន្តរបស់គាត់ទេ ក៏ងើបពីសន្លប់មកសំពះសុំទោសម្ចាស់រថយន្តវិញ ។
ហេតុការណ៍គ្រោះថ្នាក់ចរាចរណ៍នេះកើតឡើង កាលពីវេលាម៉ោង១០និង១៥នាទីយប់ថ្ងៃទី១៦ ឧសភា ២០១២ តាមបណ្តោយផ្លូវលេខ២០០៤ កែងផ្លូវណតប្រ៊ីត សង្កាត់ទឹកថ្លា ខណ្ឌសែនសុខ ។ យោងតាមប្រភពព័ត៌មានពីប៉ូលិសខណ្ឌសែនសុខបានឱ្យដឹងថា មុនពេលកើតហេតុមានបុរសស្រវឹងជោកជាំម្នាក់បានបើកម៉ូតូឌ្រីម សេ១២៥ ពណ៌ខ្មៅ ស៊េរី២០០៦ មួយគ្រឿងតាមបណ្តោយផ្លូវលេខ២០០៤ ក្នុងល្បឿនលឿនក្នុងទិសដៅពីកើតទៅលិច ស្រាប់តែមកដល់ផ្លូវបំបែកជាបួនក៏មានរថយន្ត CR-V ពណ៌ទឹកប្រាក់ បើកបរដោយបុរសម្នាក់បញ្ច្រាសទិសគ្នា ខណៈនោះរថយន្តក៏បត់ឆ្លងថ្នល់ក៏ត្រូវម៉ូតូឌ្រីមនោះបុកចំពីចំហៀង ខាងស្តាំ បណ្តាលឱ្យក្រពឹតបន្តិចបន្តួច ពេលនោះម្ចាស់រថយន្តបានចុះពីរថយន្តទៅទាមទារឱ្យសងថ្លៃខូចខាត ស្រាប់តែអ្នកបើកបរម៉ូតូធ្វើជាសន្លប់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]