ខេត្តកំពង់ចាម៖ បុរសម្នាក់ខណៈពេលត្រឡប់មកពីទិញទឹកអាស៊ីតយកទៅចម្ការកៅស៊ូក៏ ដួលម៉ូតូបណ្តាលឱ្យបែកប៊ីដុងខ្ទាតទឹកអាស៊ីតត្រូវមុខនិងភ្នែក ទាំងសងខាងរបួសធ្ងន់ ។ ហេតុការណ៍ដែលស្មានមិនដល់នេះកើតឡើងកាលពីវេលាម៉ោង១រសៀល ថ្ងៃទី១៥ ឧសភា នៅភូមិឈូក ឃុំត្រមោង ស្រុកមេមត់ ។
ជនរងគ្រោះឈ្មោះលុច ធន់ អាយុ២៦ឆ្នាំជាអ្នកដាំកៅស៊ូ មានទីលំនៅក្នុងភូមិឈូក ។ សាច់ញាតិដែលជូនជនរងគ្រោះទៅមន្ទីរពេទ្យព្រះកុសុមៈឱ្យដឹងថា គេជិះម៉ូតូសង់ចិន ស៊េរី២០០៨ ទៅទិញទឹកអាស៊ីតនៅផ្សារមេមត់ចំនួន២លីត្រ ដើម្បីយកទៅលាយជាមួយកៅស៊ូ ។ ពេលត្រឡប់មកពីទិញទឹកអាស៊ីតដល់ផ្ទះបានបន្តិចក៏រៀបចំអីវ៉ាន់ និងយកទឹកអាស៊ីតនោះទៅចម្ការកៅស៊ូ ។ ពេលជិះម៉ូតូចេញពីផ្ទះទៅចម្ការកៅស៊ូបានចម្ងាយជាងកន្លះ គីឡូម៉ែត្រ ស្រាប់តែរអិលម៉ូតូដួលដោយសារតែមេឃភ្លៀងកាលពីយប់ផ្លូវបែកភក់ រអិល បណ្តាលឱ្យធ្លាក់ប៊ីដុងទឹកអាស៊ីតបែកនិងខ្ទាតជះមកលើមុខនិង ភ្នែករោលខ្លោចខ្មៅ និងប៉ះដៃជើងរលាកតិចតួច ។
ជនរងគ្រោះត្រូវក្រុមគ្រួសារបញ្ជូនទៅព្យាបាល នៅមន្ទីរពេទ្យខេត្តកំពង់ចាម រួចបញ្ជូនបន្តទៅព្យាបាលនៅមន្ទីរពេទ្យព្រះកុសុមៈ តែមិនទាន់មានការបញ្ជាក់អះអាងថា គេអាចត្រូវងងឹតភ្នែក ឬបែបណាទេ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]