ក្នុងពេលបច្ចុប្បន្នយើងបានសង្កេត ឃើញថា យុវវ័យសម័យថ្មីបាននឹង កំពុងតែដើរតាមសម័យកាល ដ៏ស៊ីវីល័យ ហើយអ្វីដែលគួរអោយកត់ សម្គាល់នោះគឺម៉ូតសក់ប្លែកៗ ដែលត្រូវបានគេអោយឈ្មោះថា ម៉ូតសក់ Emo ។
ដោយយោងទៅតាម គេហៈទំព័រ Internation Businness Time បានអោយដឹងថា ម៉ូតរបស់យុវវ័យសម័យថ្មី ដែលត្រូវបានគេកត់សម្គាល់ថា ម៉ូតសក់ទាំងនោះភាគច្រើន គឺជាម៉ូតសក់វែងហើយបាំងភ្នែកមួយចំហៀង (Emo)។ ក្រុមគ្រូពេទ្យភ្នែកនៅប្រទេស អូស្រ្តាលី បានអោយដឹងថា ម៉ូតសក់សម័យថ្មីទាំងនោះអាច បង្កអោយមានបញ្ហា ស្រលៀងភ្នែក ដោយសារតែពួកគេបាន ទុកសក់វែងហើយបានទំលាក់ សក់មកបាំងភ្នែក ដូច្នេះហើយទើបភ្នែកម្ខាង ទទួលពន្លឺមិនគ្រប់គ្រាន់ ដែលជាហេតុបណ្តាលអោយមាន បញ្ហាស្រលៀងភ្នែក។ ក្រុមគ្រូពេទ្យបានបន្តទៀតថា មានយុវវ័យជាច្រើនដែលនិយម ម៉ូតសក់បែបនេះ ដែលភាគច្រើនពួកគេបាន លេងម៉ូតសក់តាមតារាចម្រៀងប៉ុប វ័យក្មេង Justin Bieber ដែលជាហេតុបណ្តាលអោយពួកគេប្រឈម នឹងបញ្ហានេះកាន់តែខ្លាំងឡើង។ ជាចុងក្រោយពួកគេបានបញ្ជាក់បា្រប់ថា ភ្នែករបស់យើងត្រូវការពន្លឺគ្រប់គ្រាន់ដើម្បី ចិញ្ចឹមសារីរាង្គខាងក្នុង ដូចនេះពួកគេសូមសំណូមពរអោយ យុវវ័យទាំងអស់ ថែរក្សាភ្នែកអោយបានល្អ ចៀសវាសមានបញ្ហាស្រលៀងភ្នែក កើតឡើង។
តើប្រិយមិត្តយល់យ៉ាងណាដែរចំពោះករណីនេះ ?
ដោយ ៖ អម្រិត
ខ្មែរឡូត
សូមប្រិយមិត្តជួយចុច Add Comment ដើម្បីបញ្ចេញមតិ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
