រាជធានីភ្នំពេញ ៖ បង្គោលភ្លើងប៉ាណូ ធនាគារវឌ្ឍនៈ ១ដើម បានបាក់រងការខូចខាត ខណៈដែលរថយន្តវីហ្គោ ពណ៌ស្ករ ១គ្រឿង ពាក់ស្លាកលេខ ភ្នំពេញ 2X-3994 បើកបរដោយបុរសម្នាក់ ធ្វើដំណើរយ៉ាងលឿនតាម បណ្តោយផ្លូវព្រះស៊ីសុវត្ថិ ក្នុងទិសដៅពីលិចទៅកើត លុះមកដល់ចំណុចកែងផ្លូវ១៩៩ ក៏បានរេចង្កូតទៅបុកពេញ ទំហឹងតែម្តង។
ហេតុការណ៍រថយន្តបុកបង្គោលភ្លើងនេះ បានកើតឡើងកាលពីវេលាម៉ោង ១១ និង ១០នាទី យប់ថ្ងៃទី២៤ មករា ២០១៤ ស្ថិតក្នុងសង្កាត់អូឡាំពិក ខណ្ឌចំការមន។ ក្រោយបង្កហេតុ ជនបង្កបានទុករថយន្តចោល ហើយរត់គេចខ្លួនបាត់ស្រមោល ចំណែករថយន្តខាងលើសមត្ថកិច្ចបាននាំយក ទៅរក្សាទុកនៅការិយាល័យចរាចរណ៍ ជើងគោករាជធានីភ្នំពេញ រង់ចាំធ្វើការដោះស្រាយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
