ខេត្តកំពង់ស្ពឺ ៖ អំពើហិង្សារវាងកូនប្រសាប្រុសនិងឪពុកក្មេក ខណៈដែលកូនប្រសាស្រវឹងឪពុកក៏ស្រវឹងដែរ ដោយឪពុកក្មេកលើកដៃវាយសម្លាប់កូនប្រសានឹងដែកស្បែងឥតមេត្តា បណ្តាលឱ្យកូនប្រសាស្លាប់ក្នុងថ្លុកឈាមយ៉ាងអាណោចអាធ័មបំផុត ។ ហេតុការណ៍នេះបានកើតឡើងកាលពីវេលាម៉ោង១២និង១០នាទីថ្ងៃត្រង់ ថ្ងៃទី១៤ ឧសភា ២០១២ នៅក្នុងភូមិបាត់ដឹង ឃុំក្សេមក្សាន្ត ស្រុកឧដុង្គ ។
លោកអនុសេនីយ៍ឯក សម សាក់ នាយរងការិយាល័យនគរបាលព្រហ្មទណ្ឌកម្រិតធ្ងន់ដែលចុះទៅ ធ្វើការត្រួតពិនិត្យហេតុការណ៍នោះបានឱ្យដឹងថា ជនរងគ្រោះឈ្មោះសុន ពៅ អាយុ៥២ឆ្នាំ មានប្រពន្ធកូន៣នាក់ ក្នុងបន្ទុក ឯឪពុកក្មេកជាជនដៃដល់ឈ្មោះកង ម៉ៃ អាយុ៧៣ឆ្នាំ រស់នៅដំបូលផ្ទះជាមួយគ្នា ។ ប្រភពព័ត៌មានពីអ្នកភូមិបាត់ដឹង និយាយថា ឈ្មោះសុន ពៅ ផឹកស្រាស្រវឹងខួបពេលស្រវឹងឡូឡារករឿងឈ្លោះគេឯង ស្ទើររាល់ថ្ងៃ ។ នៅថ្ងៃកើតហេតុឈ្មោះសុន ពៅ ស្រវឹងជោក ហើយមានទំនាស់ពាក្យសម្តីជាមួយឪពុកក្មេកពីរឿងធ្វើម៉ាស៊ីន ភ្លើងក៏កើតជាជម្លោះរហូតឈានការវាយប្រហារតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
