ចង់ដឹងពី ប្រតិកម្មមិត្តរបស់អ្នក ពេលដែលអ្នក ផ្ញើរសារទៅពួកគេដែរទេ?

រឿងមួយក្នុង ចំណោមរឿងដ៏ អស្ចារ្យជាច្រើនទៀត ដែលទាក់ទងរវាង Internet នឹង សកម្មភាពពិតៗ យ៉ាងច្រើន។ អ្នកចង់ឃើញ នូវអ្វីដែល មនុស្សកំពុង តែសម្តែង កំពុងតែនិយាយ ពាក់ព័ន្ធទៅនឹង កម្មវិធីទូរទស្សន៍ល្បីៗ។ Twitter បានបង្កើតកម្មវិធី ដ៏ល្អក្នុងការ លាតត្រដាងវេទិកាដែលមាន តាមកញ្ចក់ទូរទស្សន៍ ទាំងនោះ តែវាមិនសូវ មានការបញ្ជាក់ពី ប្រតិកម្មផ្ទាល់ខ្លួន រវាងមិត្តភក្តិនឹង មិត្តភក្តិឡើយ។

តែនេះគឺអ្វី ដែលកម្មវិធី Dumbstruck អាចធ្វើបាន។ វាគឺជាកម្មវិធី បញ្ជូនសារ ហើយអាចថតយក នូវប្រតិកម្មភ្លាមៗ របស់មិត្តភក្តិអ្នក ចំពោះសារដែល អ្នកបានបញ្ជូនទៅគេ។ នៅពេលដែលមិត្ត របស់អ្នកបើក សារនោះអាន កាមេរ៉ា smartphone របស់ពួកគេ នឹងចាប់ថតនូវ វីដេអូខ្លីមួយ ពីប្រតិកម្មរបស់ ពួកគេ ហើយបន្ទាប់មក ផ្ញើរវីដេអូនោះ មកកាន់អ្នកវិញ។

ការថតយក ប្រតិកម្មទាំងនោះ នឹងលុបចោលវិញ ដោយស្វ័យប្រវត្តិ ក្រោយពេល១ថ្ងៃ ប៉ុន្តែអ្នកក៏អាច ជ្រើសរើសធ្វើការ រក្សាទុកពួកវា ក្នុងកាមេរ៉ារបស់អ្នក ឬក៏ចែករំលែកវា តាមរយៈ Facebook ឬក៏ Twitter។

ចាប់អារម្មណ៍មែនទេ? នេះគឺជាដំណើរការ នៃកម្មវិធី Dumbstruck៖

1.ទាញយក (download) កម្មវិធី Dumbstruck ក្នុង iOS ហើយបើកវា។

2.ចុចទៅលើ ប៊ូតុង camera ដែលនៅខាងស្តាំ នៃផ្នែកខាងក្រោម របស់អេក្រង់

3.កម្មវិធី camera នឹងចាប់ផ្តើម ហើយចាប់យក រូបថតដែល អ្នកចង់ផ្ញើរ

4.នៅខាងក្រោមរូបថត អ្នកនឹងឃើញជម្រើស សម្រាប់បន្ថែមពាក្យ ឬក៏គូរបន្ថែម ទៅលើរូបថត (ដូចរូបភាពខាងក្រោម)

5.គូរបន្ថែមទៅលើ រូបមួយនោះ ឬក៏មិនបាច់ ក៏បានដែរ

6.ជ្រើសរើសមនុស្ស ដែលមានសំណាង សម្រាប់ទទួល ស្នាដៃរបស់អ្នក មួយនេះ បន្ទាប់មកចុចលើពាក្យ Send ដែលនៅខាងស្តាំ ផ្នែកខាងលើ នៃអេក្រង់។

7.រង់ចាំដោយអំណត់ ដើម្បីអោយមិត្ត របស់អ្នកអាន ហើយមានប្រតិកម្ម ចំពោះសាររបស់អ្នក នៅពេលដែល មិត្តរបស់អ្នក បើករូបថត នោះនឹងមានការ ថតយកនូវ សកម្មភាពរបស់គេ រួចផ្ញើរមកក្នុង inbox របស់អ្នក ដោយមានពាក្យ Reacted

8.ចុចលើសារនោះ អ្នកនឹងចូលទៅដល់ screen ដែលអាចមើល ប្រតិកម្មរបស់មិត្តអ្នក។ អ្នកគ្រាន់តែចុចលើ ប៊ូតុង Play នោះអ្នកនឹងដឹង ពីប្រតិកម្មនៃ មិត្តរបស់អ្នកហើយ។

9.រីករាយ ជាមួយនឹងការមើល ប្រតិកម្មមិត្តរបស់អ្នក។

វាគឺងាយស្រួល បែបហ្នឹង ហើយកម្មវិធីនេះ គឺមិនចាំបាច់ ចំណាយប្រាក់ឡើយ។

ប្រភព៖ បរទេស

ដោយ៖ Xeno

ខ្មែរឡូត