ក្រុងប៉ោយប៉ែត ៖ យុវជនម្នាក់ដើរត្រាច់ចរវេលាទៀបភ្លឺត្រូវជនសង្ស័យមួយក្រុម កាប់២កាំបិតខ្វែវត្រូវក្បាលដេរ៥ថ្នេរ លុះព្រឹកឡើងមកប្តឹងប៉េអឹមក្រុងប៉ោយប៉ែត ឱ្យជួយរកយុត្តិធម៌ ។ ហេតុការណ៍កាប់ប្រហារនេះកើតឡើងកាលពីវេលាម៉ោង៣ទៀបភ្លឺ ថ្ងៃទី១៤ ឧសភា ។
យុវជនរងគ្រោះឈ្មោះលឹម មករា អាយុ១៩ឆ្នាំ រស់នៅភូមិក្បាលស្ពាន១ សង្កាត់ប៉ោយប៉ែត បានរៀបរាប់នៅចំពោះមុខសមត្ថកិច្ចថា កាលពីវេលាម៉ោងខាងលើរូបគេបានដើរចេញពីផ្ទះឪពុកមាសំដៅទៅផ្ទះ របស់ខ្លួនដែលនៅជិតគ្នានោះ ក៏ស្រាប់តែជួបក្រុមជនដៃដល់មួយក្រុមមានគ្នា៣នាក់ បានយកកាំបិតខ្វែវកាប់សំដៅមកលើខ្លួនចំនួន២កាំបិត ដោយមួយកាំបិត កាប់ចំខ្នងរងរបួសតិចតួច និងមួយកាំបិតទៀតកាប់ចំក្បាល បណ្តាលឱ្យបែកហូរឈាមស្រោចពេញខ្លួនត្រូវបានគេនាំទៅសម្រាកព្យា បាលនៅគ្លីនិកមួយកន្លែងជិតទីនោះ និងដេរចំនួន៥ថ្នេរផងដែរ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]