ខេត្តព្រះសីហនុ ៖ ភាពក្តៅក្រហាយបានកើត ខណៈពេលមេតុងទីនឈ្មោះឌឿន សុខទ្រី អាយុ៤៣ឆ្នាំ និងប្រពន្ធឈ្មោះជិន ចាន់ អាយុ៤១ឆ្នាំ បានប្រមូលលុយប្រមាណ២០ម៉ឹនដុល្លារដាក់សាប៊ូគូទរត់បាត់ ស្រមោល ហើយបែរជាចេញអ្នកមកអះអាងថាផ្ទះរបស់មេតុងទីននេះជាកម្ម សិទ្ធិរបស់ពួកគេ ជាហេតុធ្វើឱ្យមានការផ្ទុះជម្លោះយ៉ាងខ្លាំងដល់កូន តុងទីនប្រមាណ២៥០នាក់កាលពីល្ងាចថ្ងៃទី១១ ឧសភា នៅ ចំណុចក្រុមទី១០ ភូមិ៣ សង្កាត់១ ក្រុងព្រះសីហនុ ។
ករណីនេះបានធ្វើឱ្យកូនតុងទីនប្រមាណជិត ២៥០នាក់ មានការក្តៅក្រហាយនាំគ្នាហាមឃាត់អ្នកទិញផ្ទះ និងព័ទ្ធផ្ទះមេតុងទីននោះមិនឱ្យយកអីវ៉ាន់នៅក្នុងផ្ទះ មេតុងទីនចេញទេ ប៉ុន្តែត្រូវមនុស្សទាំង៤នាក់នេះ ប្រើអំពើហិង្សាមកលើកូនតុងទីន បណ្តាលឱ្យរងរបួស។
កូនតុងទីនម្នាក់ឈ្មោះឡេង សុភា ភេទស្រី អាយុ២០ឆ្នាំ ក្នុងចំណោមច្រើននាក់បានអះអាងថា ខណៈពេលដែលពួកគេមកមើលផ្ទះមេតុងទីនក៏ស្រាប់តែមានមនុស្ស ៤នាក់ជិះឡានទំនើបមកដេញ ដោយសម្អាងថា ផ្ទះដែលពួកគេមកចោមរោមនេះ គឺជាផ្ទះរបស់ខ្លួនដោយមានកិច្ចសន្យាទិញលក់ជាមួយមេធាវី ទៀតផង ។
ស្ត្រីដដែលបានបន្តថា ខណៈពេលនោះពួក គាត់បានឃាត់មិនឱ្យមនុស្សទាំង៤នាក់ដឹកអីវ៉ាន់ ចេញដោយឱ្យរង់ចាំដោះស្រាយគ្នាសិន ព្រោះម្ចាស់ផ្ទះមុនក៏មានជំពាក់លុយពួកគាត់ដែរ តែនៅពេលនោះបុរសចំណាស់ម្នាក់បានចាប់ទាញដៃគាត់ចេញ មិនត្រឹមតែប៉ុណ្ណោះថែមទាំងហក់មកវាយគាត់ទៀត ។ អ្នកដែលវាយគាត់នោះឈ្មោះទ្រី សុខម៉ៅ ជាអាជីវករផ្សារលើ ។
ក្រុមកូនតុងទីនបានចោទថា ចំពោះការទិញលក់ផ្ទះសម្បែងដោយមិនមានឆ្លងកាត់អាជ្ញាធរ និងមន្ទីរជំនាញបែបនេះ គឺជាល្បិចកល់ឃុបឃីតគ្នាក្នុងការបោកលុយរបស់ពួកគាត់ តែប៉ុណ្ណោះ ដូចនេះពួកគាត់និងដាក់ពាក្យបណ្តឹងមេតុងទីនរូបនេះ និងបក្សពួកដែលឃុបឃិតគ្នាទៅសាលាដំបូងខេត្ត និងស្នើសុំឱ្យតុលាការចេញដីកាឃាត់មិនឱ្យជួលលក់ឬបញ្ចាំ ទីតាំង និងលំនៅឋានមេតុងទីនឈ្មោះឌឿន សុខទ្រី និងប្រពន្ធឈ្មោះជិន ចាន់ ទេ ។
មន្ត្រីប៉ុស្តិ៍រដ្ឋបាលសង្កាត់លេខ១ ក្រុងព្រះសីហនុ បានប្រាប់ថា ករណីនេះបណ្តាលមកពីប្រជាពលរដ្ឋជាកូនតុងទីនកើតទុក្ខមិន សុខចិត្ត ដោយឃើញមានអ្នកផ្សេងមករើយកអីវ៉ាន់ពីក្នុងផ្ទះ មេតុងទីនបម្រុងដឹកេចញ ដោយសង្ស័យថា មេតុងទីនបានគេចខ្លួនបាត់ ទើបពួកគាត់នាំគ្នាឡោមព័ទ្ធផ្ទះមេតុងទីនមិនអនុញ្ញាត ឱ្យដឹកអីវ៉ាន់ចេញ ។ ម្យ៉ាងវិញទៀតក៏មានការខឹងសម្បារជាមួយអ្នកដែលមកយកអីវ៉ាន់ ទាំង៤នាក់បានប្រើអំពើហិង្សាលើពួកគាត់ទៀតផង ។ ឆ្លងតាមការសាកសួរលើមនុស្ស៤នាក់ ដែលបានមកដឹកយកអីវ៉ាន់មេតុងទីនដែលប្រជាពលរដ្ឋចោទថា ប្រើអំពើហិង្សាមកលើរូបគាត់នោះ បានឆ្លើយថាលំនៅឋានមេតុងទីនរូបនេះបានលក់ផ្តាច់មកឱ្យ ពួកគាត់ ហើយតម្លៃ២០.០០០ដុល្លារអាមេរិក ហើយពួកគាត់បានធ្វើលិខិតលក់ផ្តាច់ជាមួួយនិងមេធាវីនៅរាជ ធានីភ្នំពេញ ទើបពួកគាត់នាំគ្នាមករើកកាយយកអីវ៉ាន់ក្នុងផ្ទះនោះចេញ ។
ប៉ូលិសបានបន្តថា អ្នកដែលអះអាងថា មេតុងទីនលក់ផ្ទះឱ្យនោះឈ្មោះទ្រី សុខម៉ៅ ភេទប្រុស អាយុ៥៨ឆ្នាំ ជាមន្ត្រីកងរាជអាវុធហត្ថចូលនិវត្តន៍ និងមានអ្នកមកជាមួយចំនួន៣នាក់ទៀត គឺ១- ឈ្មោះម៉ៅ គឺមលី ភេទប្រុស អាយុ៣០ឆ្នាំ ២- ឈ្មោះម៉ៅ គឹមលាង ភេទប្រុស អាយុ២២ឆ្នាំ និង៣- ឈ្មោះម៉ៅ គឹមហុង ភេទប្រុស អាយុ២៧ឆ្នាំ ជាមន្ត្រីកងរាជអាវុធហត្ថខណ្ឌសែនសុខ រាជធានីភ្នំពេញ ។
មន្ត្រីប៉ូលិសរូបនោះបានបន្តថា លុយដែលមេតុងទីនប្រមូលយកបានហើយគេចខ្លួននោះមានចំនួន ប្រមាណជាង២០ម៉ឺនដុល្លារអាមេរិក ដែលមានអ្នកពាក់ព័ន្ធលេងតុងទីននេះប្រមាណ២៥០នាក់ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
