ខេត្តកំពត ៖ រថយន្តម៉ាកហ៊្វុយហ្សូដឹកឥដ្ឋនិងស៊ីម៉ង់ត៍មួយគ្រឿង ត្រូវបាននគរបាលចរាចរសណ្តាប់ធ្នាប់ក្រុងកំពតនាំទៅកាន់ អធិការដ្ឋាននគរបាលក្រុង កាលពីវេលាម៉ោង៩ និង១៥នាទីព្រឹកថ្ងៃទី១១ ឧសភា ដើម្បីធ្វើការអប់រំអ្នកបើកបរពីបញ្ហានៃការចតរថយន្តគ្មាន សណ្តាប់ធ្នាប់ ។រថយន្តនេះដឹកសម្ភារសំណង់ចតរាំងផ្លូវធ្វើដំណើរ ហើយពេលនគរបាលចរាចរសណ្តាប់ធ្នាប់ទៅប្រាប់ឱ្យចតត្រឹមត្រូវកុំឱ្យ ប៉ះពាល់ផ្លូវសាធារណៈបែរជាអ្នកបើកបរថយន្តនោះនិយាយសម្តីអសុរោះ បកមកប៉ូលិសវិញ ដោយពាក្យប្រមាថធ្ងន់ៗ ទើបនគរបាលរៀបចំសណ្តាប់ធ្នាប់រាយការណ៍ជូនការិយាល័យចរាចរណ៍ សណ្តាប់ធ្នាប់ក្រុង ក៏មានវិធានការនាំទៅកាន់ការិយាល័យ ។
មន្ត្រីនគរបាលចរាចរក្រុងកំពតឱ្យដឹងថា រថយន្តដែលនគរបាលយកមកណែនាំអ្នកបើកបរនេះម៉ាកហ្វុ៊យហ្សូ ពណ៌ខៀវឆ្នូតស ចំណុះ៥តោន អ្នកបើកបរឈ្មោះហែម វ៉ន ភេទប្រុស អាយុ៣៦ឆ្នាំ មានទីលំនៅភូមិកែបថ្មី ឃុំបឹងទូក ស្រុកទឹកឈូ ខេត្តកំពត ។ ក្រោយពីសមត្ថកិច្ចធ្វើការអប់រំអស់ជាច្រើនម៉ោងរួចមក ម្ចាស់រថយន្តបានទទួលស្គាល់ពីកំហុសនៃការឈប់ចតគ្មានសណ្តាប់ ធ្នាប់របស់ខ្លួន ហើយក៏បានឱ្យម្ចាស់រថយន្តរូបនេះធ្វើកិច្ចសន្យាឈប់ឱ្យមាន ទង្វើខុសឆ្គងនៃការឈប់ចតក៏ដូចជាការជេរប្រមាថសមត្ថកិច្ច តទៅទៀតចាប់ពីពេលនេះតទៅ ។
ក្រោយពីធ្វើការអប់រំរួច សមត្ថកិច្ចក៏បានដោះលែងឱ្យយករថយន្តចេញពីអធិការដ្ឋាននគរបាល ក្រុងនៅវេលាម៉ោង៤រសៀលថ្ងៃដដែលនោះ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]