រាជធានីភ្នំពេញ ៖ យុវជនម្នាក់ជិះម៉ូតូលឿនហើយអត់ពាក់មួកការពារសុវត្ថិភាពបាន ទាក់ដៃចង្កូតជាមួយម៉ូតូមួយគ្រឿងទៀតបណ្តាលឱ្យដួលរយះមុខដេរ អស់១០ថ្នេរ កាលពីវេលាម៉ោង៩ និង១៥នាទីយប់ថ្ងៃទី១២ ឧសភា នៅចំណុចផ្លូវបំបែកជា៥មុខស្ថានីយប្រេងឥន្ធនៈតូតាល់ ផ្លូវលេខ៣០កែងផ្លូវលេខ៤៣២ស្ថិតក្នុងក្រុមទី២៦ ភូមិ៤ សង្កាត់ទួលទំពូងទី២ ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុ គេឃើញម៉ូតូហុងដាសេ១២៥ ពណ៌ខ្មៅ ជិះដោយបុរសចំណាស់២នាក់តាមផ្លូវលេខ៤៣២ ពីកើតទៅលិច ឯម៉ូតូស្មាសរីវ៉ូ ពណ៌ខ្មៅ ជិះដោយយុវជនម្នាក់តាមផ្លូវលេខ៤៣២ ពីលិចទៅកើតក្នុងល្បឿនលឿន ហើយអត់ពាក់មួកការពារសុវត្ថិភាពទៀត ។ ខណៈមកដល់ចំណុចកើតហេតុខាងលើ ម៉ូតូហុងដាសេ១២៥ស៊ីញ៉ូបត់ឆ្វេងតាមផ្លូវលេខ៤៣០ ស្រាប់តែម៉ូតូស្មាសរីវ៉ូជិះលឿនមិនបានមើលម៉ូតូហុងដាកំពុងបត់ ក៏ទាក់ដៃចង្កូតគ្នាបណ្តាលឱ្យដួលទាំងអស់គ្នា តែអ្នកជិះម៉ូតូសេ១២៥បើកយឺតៗមិនមានរងរបួសទេ រីឯយុវជនជិះម៉ូតូស្មាសឈ្មោះរ័ត្ន អូន អាយុ២៣ឆ្នាំ រងរបួសរយះមុខខាងស្តាំដេរ១០ថ្នេរ ។
ក្រោយពេលកើតហេតុ ជនរងគ្រោះត្រូវបញ្ជូនទៅដេររបួសនៅគ្លីនិកឯកជន ចំណែកម៉ូតូទាំងពីរគ្រឿងត្រូវសមត្ថកិច្ចយកទៅរក្សាទុកនៅអធិការ ដ្ឋាននគរបាលខណ្ឌចំការមន រង់ចាំដោះស្រាយតាមនីតិវិធី ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
