ខេត្តកំពង់ឆ្នាំង ៖ រថយន្តដឹកសណ្តែកមួយគ្រឿងបានក្រឡាប់ដេកប្របថ្នល់ជាតិលេខ៥ ត្រង់ចំណុចភូមិឡពាង ឃុំសែប ស្រុកកំពង់ត្រឡាច ខណៈដែលរថយន្តនោះ ផ្ទុះបែកកង់ក្រោយខាងស្តាំ ។ ហេតុការណ៍នេះ បានកើតឡើងកាលពីវេលាម៉ោង៤ និង៣០នាទីទៀបភ្លឺ ថ្ងៃទី១២ ឧសភា ។ ទោះជាយ៉ាងណា កូនប្រុសរបស់ម្ចាស់រថយន្តនោះ ម្នាក់បានស្លាប់ ក្រោយពីដឹកទៅសង្គ្រោះនៅមន្ទីរពេទ្យបានប្រមាណ១ម៉ោង ។
អ្នកបើកបររថយន្តមានឈ្មោះប្រាច អ៊ុច អាយុ២៨ឆ្នាំ ចំណែកអ្នកជិះពីលើរថយន្ត ឈ្មោះអ៊ុក មាន អាយុ៤០ឆ្នាំ និងកូនរបស់គាត់ឈ្មោះឆេង ហយ អាយុ១៨ឆ្នាំ រងរបួសធ្ងន់គួរសម ប៉ុន្តែក្រោយមក បានស្លាប់មួយម៉ោង បន្ទាប់ពីសង្គ្រោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]