រាជធានីភ្នំពេញ ៖ បុរសម្នាក់បានល្បួងក្មួយស្រីបង្កើតរបស់ខ្លួនរំលោភសេពសន្ថវៈបានសម្រេច៤លើក នៅក្នុងបន្ទប់ផ្ទះជួលរបស់ខ្លួន រហូតមានផ្ទៃពោះ២ខែ ទើបបែកធ្លាយរឿងដ៏អាស្រូវនេះ ពេលដែលនាងចាញ់កូនមានអាការក្អួតចង្អោរខុសប្លែកពីធម្មតា ធ្វើឱ្យម្តាយរបស់នាងឆ្ងល់ និងជជីកសួរនាំរហូតនាងឆ្លើយប្រាប់ការពិតទាំងអស់ បន្ទាប់មកស្ត្រីជាម្តាយរួមនឹងជីដូនបាននាំនាងទៅដាក់ពាក្យបណ្តឹងឱ្យប៉ូលិសចាប់ខ្លួនឪពុកមាដើម្បីកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់។
ជននោះត្រូវប៉ូលិសឃាត់ខ្លួនកាលពីវេលាម៉ោង៤និង២០នាទីរសៀលថ្ងៃទី១៩ មករា២០១២ នៅបន្ទប់លេខ១១ ផ្ទះជួល ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។ បុរសនោះ ឈ្មោះសោម ពិសិដ្ឋ អាយុ៣៤ឆ្នាំ មុខរបរសន្តិសុខ CJS មានស្រុកកំណើតភូមិព្រៃស្រោង ឃុំអង្គតាសោម ស្រុកត្រាំកក់ ខេត្តតាកែវ ចំណែកឯក្មួយស្រីបង្កើតដែលត្រូវរូបគេចាប់រំលោភ មានផ្ទៃពោះពីរខែនោះ មានអាយុ១៥ឆ្នាំ ហើយបើតាមការអះអាងពីសាច់ញាតិបញ្ជាក់ថា ឪពុករបស់នាងត្រូវជាបងប្រុសរបស់ជននោះបង្កើត ឯរូបនាងត្រូវជាក្មួយរបស់ឈ្មោះសោម ពិសិដ្ឋ មានមុខរបរជាសន្តិសុខឯកជន CJS និងមានប្រពន្ធម្នាក់អត់រៀបការ ដែលជាកម្មការិនីងរោងចក្រកាត់ដេរ និងមានស្រុកកំណើតនៅឯខេត្តកំពង់ចាម ហើយប្រពន្ធអត់រៀបការរបស់ជននោះធ្វើការវេនយប់ ។
សព្វថ្ងៃពួកគេស្នាក់នៅបន្ទប់លេខ១១ ផ្ទះជួល ភូមិត្រពាំងថ្លឹង សង្កាត់ចោមចៅ ចំណែកឯនាងរងគ្រោះត្រូវបានឪពុកម្តាយនាំយកមកពីស្រុកកំណើតឱ្យស្នាក់អាស្រ័យជាមួយជននេះដែរ ដើម្បីធ្វើជាកម្មការិនីរោងចក្រកាត់ដេរ។ ប្រភពដដែលបានបន្តទៀតថា ការស្នាក់នៅជាមួយគ្នានោះ មានរយៈពេល៦ខែមកហើយ ដោយឪពុកម្តាយមិនមានការព្រួយបារម្ភថា មានរឿងបែបនេះកើតឡើងនោះឡើយ ព្រោះសំអាងថា ជននោះគឺជាប្អូនប្រុសបង្កើតរបស់ឪពុកនាង និងជាឪពុកមាបង្កើតរបស់កូនស្រីនោះទៀត ។ ប៉ុន្តែអ្វីដែលនឹកស្មានមិនដល់ គឺស្រាប់តែមានរឿងដ៏អាស្រូវបែបនេះកើតឡើង ហើយតាមក្មេងស្រីរងគ្រោះប្រាប់ថា នាងត្រូវឪពុកមាចាប់រំលោភបានសម្រេចចំនួន៤លើក គឺនៅពេលយប់ដែលប្រពន្ធរបស់គេមិននៅផ្ទះទៅធ្វើការវេនយប់បាត់នោះ ។
ក្មេងស្រីជំទង់រូបនេះបានរៀបរាប់ប្រាប់ឱ្យប៉ូលិសដឹងថា បុរសជាឪពុកមាបានធ្វើការលួងលោមសុំស្នេហ៍ពីរូបនាង ដោយសន្យាទទួលខុសត្រូវលើអ្វីៗដែលខ្លួនគេប្រព្រឹត្តដែលការលួងលោមនោះធ្វើឡើងជារៀងរាល់ថ្ងៃ រហូតដល់វេលាយប់ថ្ងៃទី១១ វិច្ឆិកា ២០១១ ក្រោយពេលហូបបាយល្ងាចរួច នាងមានអាការទន់ដៃ-ជើង ដូចជាត្រូវថ្នាំសណ្តំដែលនាងមិនដឹងថាឪពុកមាដាក់ថ្នាំសណ្តំក្នុងបាយ ឬបែបណានោះទេ នាងក៏លែងដឹងខ្លួនជាច្រើនម៉ោង ។ លុះពេលដឹងខ្លួនឡើងវិញ សម្លៀកបំពាក់របស់នាងត្រូវឪពុកមាផ្លាស់ឱ្យថ្មី ឯភាពក្រមុំព្រហ្មចារីត្រូវបាត់បង់ និងមានការឈឺចាប់ប្រដាប់ភេទយ៉ាងខ្លាំងទៀតផង ៕
ដកស្រង់ ពីគេហទំព័រ កោះសន្តិភាព
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]