រាជធានីភ្នំពេញ ៖ បុរស២នាក់ មានរថយន្តជិះអាងដាក់ស្លាកលេខបផ នៅក្នុងកញ្ចក់ខាងមុខ រ៉ឺម៉កម៉ូតូបើកមុខស៊ីផ្លេដាក់សុំទៅមុន ត្រូវបុរសនោះជិះរថយន្តទៅពាំងពីមុខ ហើយចុះទះកំផ្លៀងមួយដៃនិយាយថា ឯងមិនដឹងអញធ្វើការអីទេ អ្ហេះ? មើលតែក្នុងរថយន្តមានស្លាក «មផ» ដឹងថា អញធ្វើអីហើយ ។ ហេតុការណ៍នេះ កើតឡើងកាលពីវេលាម៉ោង៣ និង១៥នាទីទៀបភ្លឺ ថ្ងៃទី១០ ឧសភា នៅចំណុចមហាវិថី ម៉ៅសេទុងកែង ផ្លូវលេខ២៣០ ក្នុងសង្កាត់ផ្សារដើមគខណ្ឌទួលគោក ។
តាមការរៀបរាប់ពីអ្នកបើករ៉ឺម៉កឈ្មោះម៉ាក់ ផៃ ភេទប្រុស អាយុ៤៧ឆ្នាំ និងប្រពន្ធឈ្មោះឡោម៉ាលីស អាយុ៤៣ឆ្នាំ ជាអាជីវករលក់បន្លែនៅផ្សារជម្ពូវ័ន ស្នាក់នៅភូមិរទាំ ឃុំភូមិធំ ស្រុក កៀនស្វាយ ខេត្តកណ្តាល បានឱ្យដឹងថា គាត់បើករ៉ឺម៉កតាមមហាវិថីម៉ៅសេទុង ពីត្បូងទៅជើង ។ លុះដល់ចំណុចផ្លូវកែង២៣០ រ៉ឺម៉ករបស់គាត់បានបើកឆ្លងដល់គំនូសកណ្តាលហើយ ស្រាប់តែមានរថយន្តកាមរីឆ្លាម ពណ៌ស្ករ ជិះគ្នា២នាក់ បើកចេញពីក្លឹបឡឺវីស តាមផ្លូវ២៣០ ពីកើតទៅលិចដល់ផ្លូវកែង គាត់ខ្លាចរថយន្តបើកឆ្លងកាត់ផ្លូវប៉ះគ្នាជាមួយរ៉ឺម៉ករបស់គាត់ បណ្តាលឱ្យមានបញ្ហា ទើបគាត់ស៊ីផ្លេសុំទៅមុន តែដឹងអី ចុះទះកំផ្លៀង...អាងតែធ្វើការនៅក្រសួងមហាផ្ទៃ ដើរតែទះកំផ្លៀងគេលេងអ៊ីចឹង តើច្បាប់ចាត់ចែងយ៉ាងម៉េចដែរ? តិចដូចលោកផ្កាយ២នៅកោះកុង? ហ៊ឺមានឡានថ្លៃជិះ តែមនុស្សមិនថ្លៃដូចឡានសោះ បែរជាថោកថយទៅវិញ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
