អាវទ្រនាប់ពិសេសដាក់ទឹកកក ដើម្បីអោយអ្នកពាក់ត្រជាក់ក្នុងខ្លួន

កាលពីម្សិលមិញខ្មែរឡូតបានចុះផ្សាយរួចម្តងមកហើយ នូវម៉ូតអាវទ្រនាប់ប្រភេទថ្មីដែលអាច ផ្ទុករបស់របរ ដូចជា iPhone កូនសោរ និង credit cards ជាដើម ដែលមានចំនងជើងថា "អាវទ្រនាប់ប្រភេទ ថ្មីអាចទុកទូរស័ព្ទដៃ iPhone បាន" ។

ឥឡូវនេះក៏ស្រាប់តែលេចចេញនូវ អាវទ្រនាប់ម៉ូតថ្មីមួយទៀតដែលត្រូវបានគេផលិតនៅប្រទេស ជប៉ុន។ ដោយយោងទៅតាម ប្រភពព័ត៌មានបានអោយដឹងថា អាវទ្រនាប់នេះត្រូវបានគេផលិតឡើង ដោយជ័រផ្លាស្ទីក ហើយនៅក្នុងនោះត្រូវបានគេដាក់ទឹកកក ក៏ដូចជារូបសត្វសមុទ្រតូចៗ ហើយចំពោះរូបរាងរបស់វា ត្រូវបានគេឆ្នៃជា រូបសំបកគ្រំទៀតផង។ គួរបញ្ជាក់ផងដែរថា អ្នកបង្ហាញម៉ូតអាវទ្រនាប់ទាំង ២ នាក់ ក្នុងរូបភាព ដែលប្រិយមិត្តបានឃើញនោះបាននិយាយថា ពួកគេមានអារម្មណ៍ថា ត្រជាក់ខ្លាំងណាស់នៅពេល ដែលពួកគេពាក់វាទៅ ចំពោះឈ្មោះរបស់វាវិញនោះត្រូវបានគេដាក់អោយថា "Super cool bra"។

ដោយ ៖ អម្រិត

ខ្មែរឡូត

សូមប្រិយមិត្តជួយចុច Add comment ដើម្បីបញ្ចេញមតិ។