សកម្ម​ភាពថ្ងៃចូល ​រោងជ័យរបស់​តារាសម្តែង​ សារ៉ាយ សក្ខណា​

តារាសម្តែងសម្បុរខ្មៅស្រអែមរាងខ្ពស់ ស្រឡះកំពុងតែចែងចាំង នៅលើវិថីសិល្បៈ កញ្ញា សារ៉ាយ សក្ខណា បានចូលរោងការ សំពះផ្ទឹមជាផ្លូវការហើយ ជាមួយកូនកំលោះ មកពីសហរដ្ឋអាមេរិក លោក កែវ ប៊ុនមេត្រី នៅគេហដ្ឋានខាងស្រី ស្ថិតនៅខាងជើងវត្តអង្គតាមិញ ។ ក្នុងពិធីសូត្រមន្ត ចំរើនពរជ័យនោះ ភ្ញៀវទាំងអស់ដែលមានវត្តមាននៅក្នុង ពិធីនោះបានសរសើរមិនដាច់ពីមាត់ចំពោះ គូស្វាមីភរិយាថ្មីមួយគូនេះ ថាពិតជាសមគ្នាឥតខ្ចោះ ។

នៅក្នុងទីតាំងប្រារព្ធកម្មវិធីនោះ គេសង្កេតឃើញមាន ការរៀបចំរោងជ័យយ៉ាងវែង ជាមួយនឹងការតុបតែង របស់របរផ្សេងៗយ៉ាងប្រណីត ពិតជាបានចំណាយប្រាក់រាប់ពាន់ ដុល្លារប្រាកដមែន ។ ពិសេសមើលទៅពិធីរៀបចំផ្ទះខាងស្រីមាន ភាពប្រណីតណាស់ មិនចាញ់ពិធីរៀបការកូនអ្នក ជំនួញល្បី ឫ ឯកឧត្តមឡើយ ហើយទម្រាំដល់ពិធីជប់ លៀងនៅក្នុងហាងនោះ ពិតជាពិសេសយ៉ាងណាទេ ។

តាមគម្រោងក្រោយរៀបការ ហើយនោះ ស្វាមីសក្ខណានឹងទៅអាមេរិកវិញ ដើម្បីបំពេញការងារមិនអាចចោលបាន ។ ឯនាងសក្ខណា នៅបន្តសិល្បៈមួយរយៈខ្លីសិន ហើយនាងនឹងទៅអាមេរិកតាមក្រោយ នាពេលខាងមុខនេះ ព្រោះសក្ខណាជាប់កុងត្រាថតរឿងមិនទាន់ចប់ ឯលិខិតស្នាមនោះគឺរត់ការអស់ ហើយចាំតែឡើងយន្តហោះប៉ុណ្ណោះ ៕