រាជធានីភ្នំពេញ ៖ បុរសម្នាក់ផឹកស៊ីស្រវឹងបាន ខ្ចីរ៉ឺម៉កម៉ូតូមិត្តភក្តិបើកសាកមើល ស្រាប់តែទៅបុករថយន្តកូរ៉ូឡា ចតនៅខាងមុខអាហារដ្ឋាន ដាវី មានទីតាំងនៅតាមផ្លូវ៣៦៨ ស្ថិតក្នុង សង្កាត់បឹងកេងកង៣ ខណ្ឌចំការមន កាលពីវេលាម៉ោង៩ និង១៥នាទីយប់ថ្ងៃទី៩ ឧសភា ខណៈម្ចាស់រថយន្តកំពុងកុម្មង់ម្ហូបអាហារមិនទាន់បានស្រស់ ស្រូបផង ស្រាប់តែមានគេមកបុករថយន្តរបស់ខ្លួនតែម្តង ។
ក្រោយពេលកើតហេតុ ម្ចាស់រថយន្តបានទាមទារឱ្យ សងថ្លៃជួសជុលរថយន្តចំនួន៥០០ដុល្លារ តែបុរសជាអ្នកបើករ៉ឺម៉ក ប្រាប់ថា គាត់មានលុយតែ១០០ដុល្លារប៉ុណ្ណោះ ។ ម្ចាស់រថយន្តមិនព្រម ក៏ត្រូវសមត្ថកិច្ចយករថយន្ត និងរ៉ឺម៉កទៅរក្សាទុកនៅការិយាល័យ នគរបាលចរាចរជើងគោករង់ចាំធ្វើការដោះស្រាយបន្ត ។
ព័ត៌មានលំអិតនឹងផ្សាយជូននៅពេលក្រោយ នៅលើ ទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]