ខេត្តព្រះសីហនុ ៖ គ្រោះថ្នាក់ចរាចរណ៍មួយកើតឡើងដោយសាររថយន្តបុកបន្តកន្ទុយ គ្នាបណ្តាលឱ្យរថយន្តចំនួន៤គ្រឿងរងការខូចខាតយ៉ាងដំណំ ។ ហេតុការណ៍នេះបានកើតឡើងកាលពីវេលាម៉ោង៨និង៣០នាទីព្រឹកថ្ងៃទី ៩ ឧសភា តាមបណ្តោយផ្លូវជាតិលេខ៤ ត្រង់ចន្លោះគីឡូម៉ែត្រលេខ១៨៦-១៨៧ ស្ថិតក្នុងភូមិអណ្តូងថ្ម ឃុំអណ្តូងថ្ម ស្រុកព្រៃនប់ ។
ប៉ូលិសចរាចរស្រុកព្រៃនប់បានឱ្យដឹងថា គ្រោះថ្នាក់ចរាចរណ៍នេះបង្កឡើងដោយរថយន្តមួយគ្រឿងម៉ាកសាំយ៉ុង ពណ៌ខៀវ បើកបរពីខេត្តព្រះសីហនុទៅភ្នំពេញបានបុកពីក្រោយរថយន្តមួយគ្រឿង ដែលកំពុងបើកបរស្របទិសគ្នាម៉ាកហ្វដ ពណ៌ខ្មៅ បើកបរដោយបុរសម្នាក់ឈ្មោះជា សម្បត្តិ អាយុ៥៨ឆ្នាំ មានទីលំនៅភូមិ៣ សង្កាត់លេខ២ ក្រុងព្រះសីហនុ ហើយរថយន្តហ្វដបន្តទៅបុកគូទរថយន្តមួយគ្រឿងមួយគ្រឿងទៀតក្នុង ទិសដៅស្របគ្នាដែរ ម៉ាកកាមរីឆ្លាម ពណ៌ត្រីឆ្លួញ បើកបរដោយឈ្មោះផូ រិនដេត ភេទប្រុស អាយុ៣៨ឆ្នាំ មានទីលំនៅភូមិ១ សង្កាត់លេខ១ ក្រុងព្រះសីហនុ ឯកាមរីឆ្លាមនេះក៏ទៅបុកនឹងគោយន្តកែច្នៃដឹកម៉ាស៊ីនកិនស្រូវ មួយគ្រឿងទៀតនៅខាងមុខ តែទោះបីជាយ៉ាងណាហេតុការណ៍ខាងលើនេះពុំបង្កឱ្យមនុស្សណាម្នាក់ រងរបួសនោះទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
