ខេត្តក្រចេះ ៖ ប៉ូលិសព្រហ្មទណ្ឌខេត្តកាលពីព្រឹកថ្ងៃទី១០ ឧសភា បានបញ្ជូនខ្លួនជនសង្ស័យជាបុរសពោះម៉ាយវ័យចំណាស់ជាង៧០ឆ្នាំ ទៅកាន់សាលាដំបូងខេត្តពីបទរំលោភសេពសន្ថវៈលើក្មេងស្រី អនីតិជនវ័យ១៤ឆ្នាំ ដែលបានប្រព្រឹត្តកាលពីល្ងាចថ្ងៃទី៨ ឧសភា នៅចំណុចអូរកណ្តៀរ ស្ថិតក្នុងភូមិអូរព្រះ ឃុំអូរគ្រៀង ស្រុកសំបូរ និងត្រូវបានកម្លាំងនគរបាលស្រុកសំបូរតាមចាប់ខ្លួនបានភ្លាមៗ ។
បុរសជាប់ចោទដែលសមត្ថកិច្ចឃាត់ខ្លួននេះឈ្មោះប៊ុន ញ៉ាំ អាយុ៧៧ឆ្នាំ និងជាបុរសពោះម៉ាយកូន៦នាក់ ក្រោយពីប្រពន្ធបានស្លាប់ចោលអស់រយៈពេល៧ឆ្នាំ និងមានទីលំនៅភូមិ-ឃុំកើតហេតុខាងលើ ។ ក្មេងស្រីរងគ្រោះអាយុ១៤ឆ្នាំ បានទៅងូតទឹកអណ្តូងម្នាក់ឯងនៅខាងក្រោយផ្ទះចម្ងាយជាង១០០ម៉ែត្រ ហើយបានជួបបុរសសង្ស័យវ័យចំណាស់ដើរលីដើមដំឡូងកាត់ពីមុខនាងទៅបាត់មួយស្របក់ ក្រោយមកតាចាស់រូបនេះបានលីដើមដំឡូងត្រឡប់មកវិញ និងបានឈប់ពីក្រោយនាង ហើយបានចាប់អូសនាងទៅមាត់ព្រែកដែលនៅក្បែរនោះរួចហើយនិយាយគំរាមសម្លាប់ និងចាប់រំលោភបានសម្រេចតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]