រាជធានីភ្នំពេញ ៖ អាជីវករលក់គ្រឿងអលង្ការប្លាទីន២នាក់ប្តី-ប្រពន្ធ ត្រូវចោរមានគ្នា៣នាក់ តាមស្ទាក់ប្លន់នៅលើកំណាត់ផ្លូវបេតុង ស្ថិតក្នុងភូមិទួលសង្កែ សង្កាត់ទួលសង្កែ ខណ្ឌឫស្សីកែវ កាលពីវេលាម៉ោង៦និង៣០នាទីល្ងាចថ្ងៃទី១៨ មករា ២០១២ ដោយចោរបានបាញ់៥គ្រាប់ ប៉ុន្តែផ្ទុះ៣គ្រាប់ ត្រូវបុរសជាប្តីចំជើង២គ្រាប់ បណ្តាលឱ្យដេកដួលត្រូវបញ្ជូនទៅសង្គ្រោះភ្លាមៗ ហើយចោរបានកញ្ឆក់យកស្បោងគ្រឿងអលង្ការប្លាទីនគេចខ្លួនទៅបាត់។
បុរសជាប្តីរងគ្រោះឈ្មោះឡាង ប៊ុណ្ណារិទ្ធ ហៅថូ ប្រពន្ធឈ្មោះលី សុខុម ជាអាជីវករលក់គ្រឿងអលង្ការប្លាទីននៅផ្សារធំទួលសង្កែ បានឱ្យដឹងថា ខណៈពួកគាត់ជិះម៉ូតូ២នាក់ប្តី-ប្រពន្ធ ចេញពីលក់គ្រឿងអលង្ការ ស្រាប់តែមានម៉ូតូជនដៃដល់ជិះគ្នា២នាក់ ប្រដាប់ដោយកាំភ្លើងខ្លី២ដើម មកកៀរឱ្យឈប់ និងមានគ្នាគេម្នាក់ទៀតជិះម្នាក់ឯងឈប់នៅក្បែរនោះដែរ។ ភ្លាមនោះជនដៃដល់ជិះម៉ូតូ២នាក់បានដកកាំភ្លើងភ្ជង់ ហើយចូលទៅដណ្តើមយកស្បៀងគ្រឿងអលង្ការ ដោយម្នាក់ភ្ជង់ប្រពន្ធ និងម្នាក់ទៀតភ្ជង់ប្តី...ប៉ុន្តែប្តីបានរត់គេចចេញទៅ បណ្តាលឱ្យចោរខឹងបាញ់ទាំងកំរោលតែម្តង គឺបាញ់ជួនផ្ទុះ ជួនអត់ផ្ទុះ ហើយចោរអាមេបញ្ចូលគ្រាប់ថ្មី បាញ់រហូតដល់ទៅ៥គ្រាប់ ផ្ទុះ៣គ្រាប់ ត្រូវជើងទាំងសងខាងរបស់បុរសជាប្តី២គ្រាប់បណ្តាលឱ្យដួល ។ ចំណែកប្រពន្ធរបស់បុរសរងគ្រោះ ជនដៃដល់មិនបានបាញ់ទេ គឺមិនមានរងរបួសអ្វីឡើយ ។
ពេលនេះប៉ូលិសកំពុងតាមប្រមាញ់ក្រុមចោរយ៉ាងសកម្មហើយ ប៉ុន្តែពួកចោរក៏បានលាក់ខ្លួនយ៉ាងសុខស្រួលក្នុងស្បៃរាត្រីផងដែរ ។ ដោយឡែកស្បោងប្រាក់ត្រូវម្ចាស់អះអាងថា ស្បោងប្រាក់ដែលចោរយកទៅនោះមិនមានប្រាក់ ឬគ្រឿងអលង្ការធំដុំទេ គឺជាស្បោងដាក់អីវ៉ាន់ធម្មតាប៉ុណ្ណោះ ព្រោះគាត់បានបង្វែងដានឱ្យគេយកស្បោងប្រាក់ពិតប្រាកដនោះទៅមុនបាត់ទៅហើយ ៕
ដកស្រង់ ពីគេហទំព័រ កោះសន្តិភាព
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]