រាជធានីភ្នំពេញ ៖ បុរសម្នាក់បានរងរបួសធ្ងន់ និង២នាក់ទៀតរងរបួសស្រាលដោយសារតែស្រវឹងបើកម៉ូតូទៅបុករថយន្ត ចំពីមុខពេញទំហឹង កាលពីវេលាម៉ោង៩និង៣៥នាទីយប់ថ្ងៃទី៩ ឧសភា ២០១២ តាមបណ្តោយផ្លូវ២០០៤ សង្កាត់កាកាប ខណ្ឌពោធិ៍សែនជ័យ។
យោងតាមសម្តីរបស់សមត្ថកិច្ចខណ្ឌពោធិ៍សែនជ័យ បានឱ្យដឹងថា មុនពេលកើតហេតុមានបុរស៣នាក់ស្រវឹងធ្លាក់ភ្នែកបើកម៉ូតូឌ្រីមសេ ១២៥ ពណ៌ខ្មៅ ស៊េរី២០១១ មួយគ្រឿងធ្វើដំណើរតាមផ្លូវលេខ២០០៤ ក្នុងទិសដៅពីលិចទៅកើត។ លុះមកដល់ចំណុចកើតហេតុស្រាប់តែរេចង្កូតទៅបុករថយន្តឡិចស៊ីស៤៥០ ពណ៌ស្ករ មួយគ្រឿង បើកពីកើតទៅលិចបញ្ច្រាសទិសគ្នាចំពីមុខពេញទំហឹង បណ្តាលឱ្យបុរសស្រវឹងទាំង៣នាក់នោះរងរបួសធ្ងន់ និងស្រាលត្រូវរថយន្តសាមុយដឹកយកទៅសង្គ្រោះបន្ទាន់នៅមន្ទីរ ពេទ្យ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]