ក្រុងប៉ោយប៉ែត ៖ កម្មករសំណង់ម្នាក់ ត្រូវគេចាក់សម្លាប់នៅទឹកដីថៃ កាលពីល្ងាចថ្ងៃទី៦ ឧសភា ២០១២ នៅក្រុងបាងកក ដោយពុំដឹងពីមូលហេតុពិតប្រាកដ ។ ជនរងគ្រោះឈ្មោះសុខ ដាំ ភេទប្រុស អាយុ២៣ឆ្នាំ ជាកម្មករសំណង់ មានទីលំនៅភូមិស្តុកឃ្លោក ឃុំត្រពាំងជង ស្រុកបាកាន ខេត្តពោធិ៍សាត់ ។
តាមស្ត្រីចំណាស់ឈ្មោះឡាប និន អាយុ៥៥ឆ្នាំ ត្រូវជាជីដូនរបស់សពរងគ្រោះមានទីលំនៅភូមិក្បាលកោះ សង្កាត់ប៉ោយប៉ែត ក្រុងប៉ោត ប៉ែត បានប្រាប់ថា ចៅប្រុសរបស់គាត់បានស្លាប់នៅមន្ទីរពេទ្យមួយក្នុងក្រុងបាងកក វេលាម៉ោង១០យប់ ថ្ងៃទី៦ ឧសភា ២០១២ បន្ទាប់ពីត្រូវគេលួចចាក់ត្រូវពោះខាងឆ្វេង បច្ចុប្បន្នកំពុងរៀបចំឯកសារ ដើម្បីបញ្ជូនមកឱ្យសាច់ញាតិនៅកម្ពុជា ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
