រាជធានីភ្នំពេញ ៖ យុវជន៣នាក់ក្នុងចំណោមបក្សពួក៤នាក់ត្រូវបានប៉ូលិសចាប់ខ្លួនជាបន្តបន្ទាប់កាលពីថ្ងៃទី៦ ឧសភា ២០១២ បន្ទាប់ពីយុវជនទាំងនេះល្បួងក្មេងស្រីយកទៅរំលោភបានសម្រេចម្តងម្នាក់ៗនៅវាលស្រែ ហើយគេចខ្លួនបានចំនួន៦ថ្ងៃរួចមក ។ ករណីរំលោភនេះបានកើតឡើងតាំងពីថ្ងៃទី ៣០ មេសា នៅវាលស្រែមួយក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ ។
ជនសង្ស័យទាំង៣នាក់ដែលប៉ូលិសឃាត់ខ្លួន ១-ឈ្មោះទិត សុខី ហៅហុង ភេទប្រុស អាយុ២០ឆ្នាំជាជាងជួសជុលរថយន្ត មានទីលំនៅផ្ទះលេខ17EP10 ផ្លូវលេខ២៤៨ ភូមិសែនសុខ៧ សង្កាត់ឃ្មួញ ខណ្ឌសែនសុខ ២-ឈ្មោះហន ហុង ភេទប្រុស អាយុ២២ឆ្នាំ ៣-ឈ្មោះពេជ្រ ស៊ីដេត ហៅខ្មៅ អាយុ២២ឆ្នាំ ជនទាំង២រៀនថ្នាក់ទី១២ នៃវិទ្យាល័យទួលប្រាសាទសែនសុខ ស្នាក់នៅភូមិ-សង្កាត់កើតហេតុខាងលើ ។ ចំពោះជនសង្ស័យម្នាក់ទៀតឈ្មោះជា ឈុលី ដែលជាមេខ្លោងក្នុងរឿងចាប់រំលោភខាងលើ បានរត់គេចខ្លួនបាត់ ។ ចំណែកឯក្មេងស្រីរងគ្រោះមានអាយុទើបតែ១៥ឆ្នាំ ស្នាក់នៅផ្ទះជួលក្នុងសង្កាត់បឹងកក់១ ខណ្ឌទួលគោក ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ផ្តល់សិទ្ធដោយ ដើមអម្ពិល
បញ្ចូលអត្ថបទ ៖ បុប្ផា កោះ
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]