ខេត្តកណ្តាល ៖ ក្មេងទំនើងមួយក្រុមផឹកស៊ីស្រវឹងអួទីនួបានទាស់ពាក្យសម្តីគ្នា ខ្លះទាមទារទៅម៉ាស្សាច្រៀងខារ៉ាអូខេ សប្បាយបន្ត ឯខ្លះទៀតមិនព្រមក៏ទៅជាផ្ទុះកំហឹងបោកទូរស័ព្ទបោកកែវ ដបស្រាបង្កការភ្ញាក់ផ្អើលពេញកន្លែងផឹកស៊ីហើយត្រូវសមត្ថកិច្ចស្រុកអង្គស្នួលព័ទ្ធចាប់បានបួននាក់យកទៅសួរនាំ ឯម្នាក់ទៀតរត់គេចខ្លួនរួច ។
ហេតុការណ៍នោះបានកើតឡើងកាលពីវេលាម៉ោង១០និង៣០នាទីយប់ថ្ងៃទី១៨ មករា ២០១២ នៅកន្លែងលក់គ្រឿងក្លែមស្ថិតនៅភូមិចុងបង្គោល ឃុំបែកចាន ស្រុកអង្គស្នួល ។ ក្រុមក្មេងទំនើងទាំង៤នាក់នោះ ១-ឈ្មោះចាន់ ផានិត អាយុ២១ឆ្នាំ ជាកម្មករសំណង់ ២-ឈ្មោះវើយ រ៉ាវី អាយុ២២ឆ្នាំ ជាកម្មកររោងចក្រ ៣-ឈ្មោះវើយ តុលា អាយុ១៦ឆ្នាំ ៤-ឈ្មោះឃីម សុគា អាយុ២០ឆ្នាំ ជាសិស្ស។ ពួកគេមានទីលំនៅភូមិចុងបង្គោល ឃុំបែកចាយ ឯបក្សពួកម្នាក់ទៀតរត់គេចខ្លួនបាត់ស្រមោល ។ តាមប្រភពព័ត៌មានបានឱ្យដឹងថា នៅមុនពេលកើតហេតុក្រុមក្មេងទំនើងខាងលើបាននាំគ្នាសីុផឹកយ៉ាងសប្បាយនៅកន្លែងលក់គ្រឿងក្លែមមួយ លុះពេលស្រវឹងធ្លាក់ភ្នែកឈ្មោះវើយ តុលា បានបែកគំនិតបបួលបក្សពួកទៅរកម៉ាស្សាច្រៀងខារ៉ាអូខេសប្បាយឱ្យអស់ដៃថែមទៀត ។ ប៉ុន្តែពេលនោះមិត្តភក្តិជាពិសេសបងប្រុសរបស់គេឈ្មោះវើយរ៉ាវីបានហាមឃាត់មិនឱ្យទៅ និងមិនព្រមទៅជាមួយទើបធ្វើឱ្យក្មេងឈាមរាវឈ្មោះវើយ តុលា ខឹងច្រឡោតក៏ទាញទូរស័ព្ទពី ក្នុងហោហោប៉ៅបោកប្រាវ។ ភ្លាមៗនោះបក្សពួកដែលផឹកសីុជាមួយអត់ឃាត់ទេ បែរជាទាញកែវដកស្រា និងចានបោកតបតវិញដែរ បង្កទៅជាការភ្ញាក់ផ្អើលពេញកន្លែងផឹកស៊ី។
ពេលសមត្ថកិច្ចឃាត់ខ្លួនបញ្ជូនទៅដល់អធិការដ្ឋានបានត្រឹមតែអប់រំធ្វើកិច្ចសន្យាឱ្យបញ្ឈប់សកម្មភាពពេលក្រោយទៀត ប៉ុន្តែគ្មានវិធានការក្តៅណាមួយសោះសម្រាប់ពួកក្មេងទំនើងទាំងនេះ ៕
ដកស្រង់ពី គេហទំព័រ កោះសន្តិភាព
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]