រាជធានីភ្នំពេញ ៖ យុវជនម្នាក់ក្នុងចំណោមបងប្អូនបង្កើត៣នាក់ ត្រូវសមត្ថកិច្ចនគរបាលប៉ុស្តិ៍អូរឫស្សីទី១ ឃាត់ខ្លួនកាលពីព្រឹកថ្ងៃទី៨ ឧសភា ខណៈជាប់ពាក់ព័ន្ធវាយអ្នកដទៃប្លន់យកទូរស័ព្ទដៃ១គ្រឿង ពីយប់ ហើយយុវជនម្នាក់នេះក៏មានបងប្អូន៣នាក់ ជាជនខិលខូចសេពគ្រឿងញៀនអុកឡុក ក្នុងមូលដ្ឋានញឹកញាប់ធ្វើឱ្យអ្នករស់នៅជិតខាងមានការភ័យ ខ្លាច ពិសេសទៅទៀតនគរបាលសង្កាត់អូរឫស្សីទី១ ចាប់កោរសក់ទាំងបងទាំងប្អូន៣នាក់ តែគេមិនរាងចាលភ្លេចខ្លួនធ្វើសកម្មភាពទៀត ។ យុវជនដែលត្រូវសមត្ថកិច្ចឃាត់ខ្លួននេះឈ្មោះអៀម សុខឌូ អាយុ១៧ឆ្នាំ ស្នាក់នៅផ្ទះលេខ១៣៤E4 ផ្លូវលេខ១០៧ ភូមិ១ សង្កាត់អូរឫស្សីទី១ ខណ្ឌ៧មករា ។
ទាក់ទិននឹងការឃាត់ខ្លួនយុវជនរូបនេះលោកអនុ សេនីយ៍ទោ ថោង ម៉ារឌី ប្រធាននគរបាលប៉ុស្តិ៍អូរឫស្សីទី១ បានឱ្យដឹងថា ការឃាត់ខ្លួនជននេះតាមបណ្តឹងជនរងគ្រោះដែលប្តឹងចោទប្រកាន់ ឈ្មោះអៀម សុខឌូ ថា បានធ្វើសកម្មភាពវាយគេប្លន់យកទូរស័ព្ទដៃ១គ្រឿង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]