រាជធានីភ្នំពេញ ៖ យុវជនឈាមរាវសិស្សវិទ្យាល័យសន្ធរម៉ុកចេញពីសាលាជិះម៉ូតូដេញវាយគ្នាតាមផ្លូវ បណ្ដាលឱ្យជ្រុលទៅបុករ៉ឺម៉កម៉ូតូវេរចង្កូតទៅប៉ះជាមួយរថយន្ដកាមរីគូទហើមក្រពឹតទ្វារនិងបែកកញ្ចក់ កាលពីវេលាម៉ោង៤និង៣០នាទីរសៀលថ្ងៃទី១៨ មករា នៅក្រោយរបងវិទ្យាល័យសន្ធរម៉ុក តាមបណ្ដោយផ្លូវលេខ១៣៨ មុខផ្ទះលេខ១៥២D3 ក្នុងសង្កាត់ទឹកល្អក់ទី២ ខណ្ឌទួលគោក ។
តាមសាក្សីឃើញហេតុការណ៍បានឱ្យដឹងថា មុនពេលកើតហេតុគេឃើញយុវជនជាសិស្សវិទ្យាល័យសន្ធរម៉ុកមួយក្រុមបានជិះម៉ូតូដេញវាយតប់ធាក់គ្នាពេញផ្លូវយ៉ាងអនាធិបតេយ្យតាមផ្លូវលេខ១៣៨ ខណៈនោះស្រាប់តែមានយុវជន២នាក់ជិះម៉ូតូឃ្លីក ពណ៌ឈាមជ្រូក បានបើករត់គេចក្នុងល្បឿនលឿនបោះពួយទៅបុករ៉ឺម៉កម៉ូតូដឹកអីវ៉ាន់បើកបញ្ច្រាសទិសគ្នាពេញទំហឹង បណ្ដាលឱ្យរ៉ឺម៉កម៉ូតូវេរចង្កូតទៅប៉ះជាមួយរថយន្ដកាមរីគូទហើមពណ៌សំបកឪឡឹក ខ្ទាតទៅជាប់របងវិទ្យាល័យសន្ធរម៉ុកបែកកញ្ចក់ចំហៀង និងក្រពឹតទ្វារខាងឆ្វេង។ ប្រភពព័ត៌មានឱ្យដឹងទៀតថា បន្ទាប់ពីបុកគេហើយម៉ូតូឃ្លីកដួលទៅលើចិញ្ចើមផ្លូវខាងឆ្វេងមុខផ្ទះលេខ១៥២D3 បណ្តាលឱ្យអ្នកបើកម៉ូតូរបួសជើងឆ្វេង និងមិត្ដភក្ដិអង្គុយពីក្រោយរបួសដៃឆ្វេង ចំណែកអ្នកបើករ៉ឺម៉កម៉ូតូរបួសបែកមាត់ រីឯរថយន្ដកាមរីគូទហើមខ្ទាតទៅចិញ្ចើមផ្លូវខាងស្ដាំរងការខូចខាតបន្តិចបន្តួចប៉ុណ្ណោះ។
ក្រោយពេលកើតហេតុជនរងគ្រោះមានតំណាងចេញមុខមកដោះស្រាយនៅកន្លែងកើតហេតុតែម្ដង ដោយចេញសងទៅឱ្យអ្នកបើករ៉ឺម៉កម៉ូតូចំនួន២៥ដុល្លារអាមេរិក និងចេញថ្លៃជួលជុលរថយន្ដកាមរីគូទហើមជាការបញ្ចប់រឿង៕
ដកស្រង់ពី គេហទំព័រ កោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]