រាជធានីភ្នំពេញ ៖ រថយន្តឡិចស៊ីស RX300 ពណ៌ខ្មៅ មួយគ្រឿងត្រឡប់មកពីហូបការនៅខេត្តកំពតវិញ បើកបុករបាំងថ្មចែកផ្លូវបាក់ ហើយរេចង្កូតទទឹងផ្លូវ បណ្តាលឱ្យកកស្ទះចរាចរណ៍ ។ ហេតុការណ៍នេះកើតឡើងនៅលើកំណាត់ផ្លូវវេងស្រេង ស្ថិតក្នុងភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង១០និង២០នាទីយប់ថ្ងៃទី៧ ឧសភា តែសំណាងល្អពុំបង្កឱ្យនរណាម្នាក់រងរបួសនោះទេ។
ប្រភពព័ត៌មានបានឱ្យដឹងថា រថយន្តឡិចស៊ីស RX300 ពណ៌ខ្មៅ ជិះគ្នា២នាក់ តាមបណ្តោយផ្លូវវេងស្រេងពីលិចទៅកើត។ ខណៈមកដល់ចំណុចកើតហេតុ ស្រាប់តែជ្រុលចង្កូតទៅបុករបាំងថ្មចែកផ្លូវ បណ្តាលឱ្យបាក់ខ្ទាត៦ម៉ែត្រពីកន្លែងកើតហេតុ ចំណែករថយន្តរេចង្កូតទទឹងផ្លូវធ្វើឱ្យកកស្ទះចរាចរណ៍ ។ របាំងថ្មចែកផ្លូវនេះ ជារបស់ក្រុមហ៊ុនឯកជន អ៊ីចឹងហើយរថយន្តមិនបានយកទៅសាលាក្រុងទេ គឺធ្វើការដោះស្រាយជាមួយក្រុមហ៊ុនតែម្តង ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]