ភ្នំពេញ ៖ យុវជន ២នាក់ បានរងរបួសធ្ងន់ស្រាល ខណៈដែលពួកគេស្រវឹង ស្រាជោក បើកម៉ូតូម៉ាក អាយខុន ពណ៌ត្រួយចេក១គ្រឿង ពាក់ស្លាកលេខ ភ្នំពេញ 1AM-2345 ធ្វើដំណើរយ៉ាងលឿន តាមបណ្តោយផ្លូវកម្ពុជាក្រោម ក្នុងទិសដៅពីកើតទៅលិច លុះមកដល់ក្រោម ស្ពានអាកាស ៧មករា ជាចំណុចផ្លូវកោងកាច់ចង្កូត មិនទាន់ជ្រុលទៅបុកខឿនផ្លូវបណ្តាលឲ្យ យុវជនអ្នកបើកបរដួលបោកក្បាល របួសធ្ងន់ចំណែក អ្នករួមដំណើររបួសស្រាល។
ហេតុការណ៍នេះ បានកើតឡើងកាលពីវេលាម៉ោង ១០និង ២០នាទី យប់ថ្ងៃទី២៦ ខែវិច្ឆិកា ឆ្នាំ២០១៣ នៅចំណុចមុខប៉ុស្តិ៍ នគរបាលរដ្ឋបាល ទឹកល្អក់ទី១ស្ថិតក្នុងសង្កាត់ទឹកល្អក់ទី១ ខណ្ឌទួលគោក។
ក្រោយកើតហេតុ ជនរងគ្រោះត្រូវគេដឹកយកទៅសង្រ្គោះ ចំណែកម៉ូតូសមត្ថកិច្ច បាននាំយកទៅរក្សាទុក នៅប៉ុស្តិ៍នគរបាលរដ្ឋបាលទឹកល្អក់ទី១៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
