ក្រុម HYBE ថ្មី ILLIT បង្ខំចិត្តដូរឈ្មោះអ្នកគាំទ្រ ដោយសារជាន់គ្នានឹងតារាស្រីពីរនាក់នេះ

កូរ៉េខាងត្បូង៖ ជឿជាក់ថាអ្នកគាំទ្រវិស័យចម្រៀងកូរ៉េ ប្រាកដជាដឹងហើយថា រាល់ក្រុមចម្រៀងមិនថាទាំងនារីនិងបុរស គឺសុទ្ធតែមានឈ្មោះសម្រាប់អ្នកគាំទ្រពួកគេរៀងៗខ្លួន ហើយថ្មីៗនេះ ក្រុមចម្រៀងនារីថ្មី ILLIT របស់ផលិតកម្ម HYBE ត្រូវបង្ខំចិត្តប្ដូរឈ្មោះអ្នកគាំទ្រខ្លួន។

ការសម្រេចចិត្តផ្លាស់ប្ដូរនេះ បានកើតឡើង ទាំងដែល ILLIT ទើបតែប្រកាសឈ្មោះអ្នកគាំទ្រថ្មីកាលពីម្សិលមិញ ដែលមានឈ្មោះថា "LILLY" ។

ភ្លាមៗបន្ទាប់ពីមានការប្រកាសបែបនេះ ក៏បានផ្ទុះការរិះគន់ជាច្រើន ដោយសារតែឈ្មោះលីលីនេះ គឺជាន់ជាមួយនឹងឈ្មោះអ្នកគាំទ្ររបស់ Lisa មកពីក្រុម BLACKPINK ដែលហៅថា "LILIES"។

ម្យ៉ាងទៀត ឈ្មោះនេះក៏ជាន់ជាមួយនឹងឈ្មោះសមាជិកក្រុម NMIXX ដែលឈ្មោះថា Lily ផងដែរ ដែលធ្វើឲ្យខាងផលិតកម្ម BELIFT LAB ស្ថិតក្រោមការគ្រប់គ្រងរបស់ HYBE បានសម្រេចចិត្តប្ដូរភ្លាមៗផងដែរ៕

ប្រភព៖ koreaboo