ខេត្តកំពង់ស្ពឺ ៖ យុវជនម្នាក់រយះក្បាលហូរឈាមកក្លាក់ ខណៈពេលជិះម៉ូតូដើរលេងពេលយប់ឃើញមនុស្សអ៊ូអរជុំគ្នា ទៅអើតមើលហេតុការណ៍ត្រូវគេកាប់បណ្តាលឱ្យរងរបួស កាលពីវេលាម៉ោង៩យប់ថ្ងៃទី៦ ឧសភា ២០១២ នៅភូមិត្រពាំងឈូក ឃុំព្រះស្រែ ស្រុកឧដុង្គ ។
ជនរងគ្រោះឈ្មោះ ឡេង តុលា ភេទប្រុស អាយុ២២ឆ្នាំ ជានិស្សិតឆ្នាំទី២ មានស្រុកកំណើតនៅភូមិភ្នំបាត ឃុំឆ្កែឡុង ស្រុកពញាឮ ខេត្តកណ្តាល ត្រូវក្រុមគ្រួសារឱ្យដឹងថា មុនពេលកើតហេតុ ជនរងគ្រោះនិងមិត្តភក្តិ៥នាក់ ជិះម៉ូតូ២គ្រឿង ដើរមើលគេរាំធុងបាសពីភូមិមួយទៅភូមិមួយទៀតរហូតដល់ភូមិកើត ហេតុខាងលើមានពិធីមង្គលការ ហើយមានរាំវង់ ។ ប៉ុន្តែនៅខាងជើងរោងការនោះមានមនុស្សអ៊ូអរចោមរោមមើលគេ ឈ្លោះប្រកែកគ្នានៅមុខផ្ទះលក់គ្រឿងទេសមួយកន្លែង ពួកគេក៏ទៅមើលហើយត្រូវគេកាប់តែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]