ខេត្តបន្ទាយមានជ័យ ៖ រឿងរ៉ាវសេចក្តីស្នេហារវាងគូស្នេហ៍មួយគូដែលទើបតែសំពះក្រាប ផ្ទឹមមុខមេបាចាស់ទុំបងប្អូនសាច់ញាតិទាំងសងខាងតាមគន្លង ប្រពៃណីមិនបានប៉ុន្មានថ្ងៃផង ស្រាប់តែនៅវេលាម៉ោងប្រមាណ៨និង៣០នាទីព្រឹកថ្ងៃទី៤ ឧសភា ២០១២ សាមីខ្លួនខាងស្រីបានរត់ចោលកូនកំលោះឱ្យនៅកណ្តោចកណ្តែង ទាំងខ្លួនពិការជើងម្ខាង ។ រឿងរ៉ាវនេះកើតឡើងនៅភូមិតាអុងលិច ឃុំស្វាយចេក ស្រុកស្វាយចេក ។
លោកអនុសេនីយ៍ឯក ហ៊ិន សារុណ អធិការរងស្រុកស្វាយចេក បានប្រាប់ឱ្យដឹងថា កូនក្រមុំដែលបាត់ខ្លួនមានឈ្មោះភឿ ធារី អាយុ២២ឆ្នាំ។ ឪពុកម្តាយកូនក្រមុំបន្ទាប់ពីបាត់កូនបានមកកាន់អធិការដ្ឋាន នគរបាលស្រុកស្វាយចេក ដើម្បីដាក់បណ្តឹងសុំឱ្យសមត្ថកិច្ចជួយរកកូនកាលពីថ្ងៃទី៤ ឧសភា ២០១២ ។ មុនពេលបាត់ខ្លួននារីជាកូនក្រមុំបានជិះម៉ូតូឌុបប្អូនទៅ សាលារៀន ហើយមិនឃើញត្រឡប់មកផ្ទះវិញ។ ដោយបាត់កូនយូរឪពុកម្តាយ បងប្អូនសាច់ញាតិបាននាំគ្នារកគ្រប់ទិសទី តែរកមិនឃើញមិនដឹងនាងទៅណា ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
