ក្រលេកមកមើល ការច្នៃប្រឌិត រូបសត្វពីផ្លែប៉ោមដ៏គួរអោយទាក់ទាញម្តងទៅមើល (មានវីឌីអួ)

ប្រិយមិត្តធ្លាប់បានឃើញហើយរឺនៅ? ការឆ្លាក់រូបដែលច្នៃប្រឌិត ចេញពីផ្លែប៉ោម ហើយមើលទៅ ក៏មិនមានការពិបាក ក្នុងការឆ្លាក់តាមនោះដែរ គឺវាពិតជាអស្ចារ្យណាស់ ជាពិសេសគឺមិត្តៗនារី អាចរៀនយកផ្លែប៉ោម មកឆ្លាក់តាមវីឌីអូ ដូចខាងក្រោមនេះ ដូច្នេះហើយ សូមប្រិយមិត្ត មកធ្វើការតាមដានទស្សនាទាំងអស់គ្នា ។

ជាដំបូង យើងត្រូវជ្រើសរើសយក ផ្លែប៉ោមណាដែលមានរាងមូលស្អាត យកមកពុះបញ្ឆិតបន្តិច រួចទុកគ្រាប់វាសំរាប់ធ្វើភ្នែក ។ បន្ទាប់មក ពុះវាជាចំនិតៗ ដូចក្នុងវីឌីអូ ពី៤ទៅ៥ចំនិតទៅតាមទំហំផ្លែប៉ោម ហើយយើងយកវាមកតំរៀបតៗគ្នា អោយមានរាងជាស្លាបសត្វ ។ រួចយើង ពុះចំកណ្តាលផ្លែប៉ោមនោះជារាងចតុកោណកែង ទុកសំរាប់ដាក់ក្បាល បន្ទាប់មកយកផ្លែប៉ោមម្ខាងទៀត មកកាត់ធ្វើជារូបរាងក្បាលសត្វ។ បន្ទាប់មកទៀត យើងយកក្បាលសត្វនោះ មកដាក់នៅចំនុចចតុកោណកែង ដែលយើងបានកាត់នោះ ជាចុងក្រោយ គឺយើងយកគ្រាប់ ផ្លែប៉ោមនោះ មកដាក់នៅត្រង់ចំនុច គ្រាប់ភ្នែកនោះជាការស្រេច ៕