កម្សន្ត៖ អាចនិយាយបានថាអតីតតារាចម្រៀងស្រី ពៅ បញ្ញាពេជ្រ មិនបានលេចមុខក្នុងសិល្បៈទៀតក៏ដោយ តែប្រជាប្រិយភាពនៅតែមាន ហើយមហាជននៅតែនឹកនាដល់រូបនាងដដែល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលើសពីនេះទៅទៀត កញ្ញា ពៅ បញ្ញាពេជ្រ ទោះបីមិនបានបង្ហាញមុខក្នុងសិល្បៈដូចមុន ប៉ុន្តែនាងនៅតែបង្ហាញមុខលើបណ្ដាញសង្គម ការខំប្រឹងរកស៊ីដោយកម្លាំងញើសឈាម និងតាមរយៈការឡាយលក់ផលិតផលអនឡាញលើបណ្ដាញសង្គម ទាំងខ្លួនដើរមិនបានក៏ដោយ។
ជាមួយគ្នានេះដែរ ច្រើនច្រើនឆ្នាំមកហើយ ដែលកញ្ញា ពៅ បញ្ញាពេជ្រ មិនបានបង្ហាញខ្លួនលើវិថីសិល្បៈ និងបានចេញបទចម្រៀងថ្មីៗ តែមុននេះនាងបានបង្ហើបដំណឹងពីការគ្រោងចេញបទថ្មីសម្រាប់ជូនទៅកាន់ហ្វេនៗ ខណៈនាងបានទៅថតសម្លេងច្រៀងនោះ។ ក្នុងនោះដែរ ក្រោយឃើញបែបនេះ មានហ្វេនជាច្រើន បានបង្ហាញក្ដីរំភើប និងរង់ចាំស្ដាប់បទចម្រៀងរបស់នាងគ្រប់ៗគ្នា៕
សូមទស្សនារូបភាពខាងក្រោម៖