ចិន បង្ហាញរូបភាព​ ស្ដីពីសកម្មភាព ក្នុងការជ្រើសរើស បរវកញ្ញាឈុតប៊ីគីនី ទេសចរណ៍អន្ដរជាតិ ប្រចាំឆ្នាំ ២០១២

ប៉េកាំងៈទីភ្នាក់ងារព័ត៌មានចិន “ស៊ិនហួ” បានចុះផ្សាយនៅរាត្រីថ្ងៃទី០៤ ខែឧសភា ឆ្នាំ២០១២ ថា ប្រទេសចិន បានបញ្ចប់ការជ្រើសរើសនារី ស្រស់ស្អាតៗ ស្លៀកឈុតប៊ីគីនី ទេសចរណ៍អន្ដរជាតិ ប្រចាំឆ្នាំ២០១២ ។

ប្រភពព័ត៌មាន បានឱ្យដឹងថា នៅភាគកណ្ដាល នៃប្រទេសចិន គឺស្ថិតនៅខេត្ដ ហ៊ូប៉ី មានការរៀបចំប្រកួតវគ្គផ្ដាច់ ព្រ័ត្ដដើម្បីស្វែងរកបវរកញ្ញា ទេសចរណ៍អន្ដរជាតិ ដែលស្លៀកសម្លៀកបំពាក់ ប៊ីគីនី ប្រចាំឆ្នាំ២០១២ ។

នៅក្នុងការប្រកួតនេះដែរ គេឃើញមានបេក្ខនារីជាច្រើនរូប ចូលរួម ហើយពួកគេបញ្ចេញសម្រស់ តាមបែប ទេសចរណ៍ ដោយប្រើឈុតខ្លី ប៊ីគីនី ដែលផ្ដល់នូវភាពទាក់ទាញ និងប្រជែងគ្នាដើម្បីទទួល បានជ័យលាភី ប្រចាំឆ្នាំនេះ ។

ប្រភពព័ត៌មាន មិនបានបញ្ជាក់ ថាតើក្នុងចំណោមបេក្ខនារីរូបណាម្នាក់ ដែលនឹងបានទទួលជ័យលាភីឯក នោះឡើយ ដោយគ្រាន់តែបង្ហាញ អំពីសកម្មភាព នៃការប្រកួតប្រជែង និងការបង្ហាញរូបរាងបែបស៊ិចស៊ី របស់បេក្ខនារីទាំងនោះតែប៉ុណ្ណោះ ៕

ប្រែសម្រួលៈ សុបញ្ញវ័ន្ដ

ផ្តល់សិទ្ធដោយ ដើមអម្ពិល