ចាប់ដៃគ្នាច្រើនឆ្នាំ ណា ខុន និងភរិយា ធ្វើពិធីឡើងផ្ទះវីឡា​ស្កឹមស្កៃ

ភ្នំពេញ៖ អស់រយៈពេលច្រើនឆ្នាំមកហើយ ដែលតារាសម្ដែងរូបសង្ហាលោក ណាខុន បានរៀប​អាពាហ៍ពិពាហ៍កសាងជីវិតគ្រួសារ។ ហើយបន្ទាប់មានភរិយារួច គេតែងឃើញតារារូបនេះ បង្ហាញពី​សុភមង្គលក្នុងគ្រួសារជានិច្ចតែម្ដង។ 

​លើសពីនេះទៅទៀត ប្ដីប្រពន្ធមួយគូនេះ តែងតែដឹកដៃគ្នាចេញទៅដើរកម្សាន្ត បង្ហាញភាពស្និទ្ធស្នាល និងភាពផ្អែមល្ហែមផងដែរ។ មិនតែប៉ុណ្ណោះ គេដឹងទៀតថាលោក ណាខុន កំពុងប្រើជីវិតរស់នៅយ៉ាងរីករាយ ខណៈមានមុខរបរ និងទ្រព្យសម្បត្តិស្ដុកស្ដម មានអ្វីគ្រប់យ៉ាងដូច្នេះ។ 

ជាក់ស្ដែង ក្រោយចាប់ដៃគ្នាកសាងគ្រួសារជាមួយភរិយា ថ្មីៗនេះលោក ណាខុន បានបង្ហោះរូបភាព ក្នុងថ្ងៃធ្វើពីធីឡើងគេហដ្ឋានខ្លួនផងដែរ។ ដោយគេដឹងថាគេហដ្ឋានថ្មីតារារូបនេះ ជាប្រភេទផ្ទះវីឡាស្កឹមស្កៃ ហើយមានបរិយាកាសល្អទៀតផង។ ក្នុងនោះដែរ គេឃើញមានមហាជន និងមិត្តរួមសិល្បៈជាច្រើន​ បានអបអរសាទរ​​ ទៅកាន់តារារូបនេះគ្រប់គ្នាផងដែរ៕ 

សូមទស្សនារូបភាពខាងក្រោម៖