ក្រុមនិស្សិត នៃវិទ្យាស្ថានភាសាបរទេស (IFL) បានឈ្នះក្នុងការប្រកួតរកជើងឯកជជែកវែកញែកពានរង្វាន់ឆ្នាំ២០១២ ដែលរៀបចំដោយ សភាយុវពាណិជ្ចករអន្តរជាតិ កម្ពុជា (JCI Cambodia)។ ការប្រកួតពិភាក្សានេះ បានត្រូវបានគេស្គាល់ជាភាសាអង់គ្លេសថា JCI Cambodia Debating Championship។
បេក្ខជននៃការប្រកួតខាងលើនេះមានចំនួន១០ក្រុម ដែលមកពីសាកលវិទ្យាល័យផ្សេងៗគ្នាក្នុងនោះរួមមានមកពីសាកលវិទ្យាល័យ បញ្ញាសាស្ត្រ ពុទ្ធិសាស្ត្រ វិទ្យាស្ថានភាសាបរទេស លីមកុកវីង ប៊ែលធី អន្តរទ្វីបអាមេរិកាំង បៀលប្រាយ ហ្សាម៉ាន ចំរើនពហុបច្ចេកវិទ្យា និងក្រុមនិស្សិតស្ម័គ្រចិត្ត របស់JCI។ ក្រុមនិស្សិត នៃវិទ្យាស្ថានភាសាបរទេស (IFL) បានយកឈ្នះ ក្រុមនិស្សិត នៃសាកលវិទ្យាល័យ បញ្ញាសាស្រ្តកម្ពុជា ក្នុងវគ្គផ្តាច់ព្រាត់ ក្នុងការប្រកួតជជែកវែកញែកនេះ។
នេះជាលើកទីពីរហើយ ដែលមានការប្រកួតជជែកពិភាក្សា JCI Cambodia Debating Championship។ ក្រុមនិស្សិត នៃវិទ្យាស្ថានភាសាបរទេស ក៏បានរក្សាពានរបស់ខ្លួន ដែលបានឈ្នះនៅឆ្នាំ ២០១១។
គួរអោយកត់សំគាល់ថា វិទ្យាស្ថានភាសាបរទេស បានបង្កើត ក្លឹបជជែកវែកញែក (Debating Club) ជាយូរឆ្នាំមកហើយ។ ក្លឹបនេះបានជួយរៀបចំ អោយនិស្សិត មានភាពក្លាហាន ក្នុងការជជែកពិភាក្សា រកហេតុផល និងដំណោះស្រាយ ។
ក្រោយពីជោគជ័យនេះមក និស្សិត នៃវិទ្យាស្ថានភាសាបរទេស បានសំដែងការរីករាយរបស់ខ្លួន ពេញ Facebook។
តើវិទ្យាស្ថានភាសាបរទេស អាចរក្សាតំណែងរបស់ខ្លួនបានទេនៅឆ្នាំ ២០១៣?
ដោយ វិចិត្រ
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]