រាជធានីភ្នំពេញ ៖ យុវជនមួយក្រុមអាងមានគ្នាច្រើនជិះម៉ូតូបុកគេឱ្យរងរបួសបែកក្បាលហើយរកវាយគេទៀត តែត្រូវអ្នកឃើញហេតុការណ៍ជួយឃាត់ទាន់។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង៧និង៥០នាទីយប់ថ្ងៃទី១៧ មករា នៅលើកំណាត់ផ្លូវលេខ៤៨៨ មុខភោជនីយដ្ឋានបុបា្ជភ្នំពេញ ក្នុងសង្កាត់ផ្សារដើមថ្កូវ ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា ម៉ូតូសង់កូរ៉េ បើកបរតាមបណ្ដោយផ្លូវលេខ៤៨៨ និងម៉ូតូស្មាស់ ពណ៌ខ្មៅ ជិះគ្នា៣នាក់ ក្នុងទិសដៅច្រាសគ្នាបានបើកវ៉ាម៉ូតូមួយគ្រឿងទៀតហើយជ្រុលទៅបុកម៉ូតូសង់កូរ៉េពេញទំហឹង បណ្ដាលឱ្យដួលប្រាវនៅកណ្ដាលថ្នល់។ អ្នកបើកម៉ូតូសង់កូរ៉េរបួសធ្ងន់ ឯ៣នាក់ទៀតដែលជិះម៉ូតូស្មាស់រងរបួសស្រាល។ ប្រភពដដែលបន្ដទៀតថា ភាគីទាំងសងខាងទំនងជាស្រវឹងទាំងអស់គ្នា ។ ក្រោយពេលបើកបុកម៉ូតូសង់កូរ៉េភាគីខាងម៉ូតូស្មាស់អាងគ្នាច្រើនផងប្រុងវាយជនរងគ្រោះអ្នកបើកម៉ូតូសង់កូរ៉េដែលជិះតែ ម្នាក់ឯង តែត្រូវអ្នកចោមរោមមើលហេតុការណ៍ជួយឃាត់ទាន់។ ជនរងគ្រោះរបួសធ្ងន់ត្រូវរថយន្ដសាមុយរបស់មន្ទីរពេទ្យមិត្ដភាពខ្មែរ-សូវៀត ដឹកយកទៅសង្គ្រោះ ។
ម៉ូតូទាំងពីរគ្រឿងត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌចំការមនដើម្បីធ្វើការដោះស្រាយតាមនីតិវិធី៕
ដកស្រង់ពី គេហទំព័រ កោះសន្តិភាព
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]