ស្រីស្អាតតែចិត្ដអប្រិយ បង្កើត និងទន្លាក់កូនចោល នៅក្នុងបន្ទប់ទឹកនៃបារមួយកន្លែង

នារីម្នាក់ត្រូវបានចាប់ខ្លួន និងជាប់ទោសពីបទសម្លាប់មនុស្ស ក្រោយពីនាង បង្កើតកូននៅក្នុងបន្ទប់ទឹកនៃបារមួយកន្លែង និងទុកកូនចោលនៅក្នុងធុងទឹកកាច់បង្គន់ យោងទៅតាមរបាយការណ៍របស់ប៉ូលីស ក្នុងរដ្ឋ Pennsylvania សហរដ្ឋអាមេរិក។

តាមប៉ូលីសនៅក្នុងទីក្រុង Allentown បាននិយាយថា ពួកគេបានចាប់ខ្លួន នារីអាយុ២៦ឆ្នាំម្នាក់ ដែលមានឈ្មោះថា Amanda Hein ដែលនាង បានជាប់ទោសឧក្រិដ្ឋពី បទសម្លាប់មនុស្ស ក្រោយពីប្រកាសសាលក្រមកាលពី ថ្ងៃច័ន្ទមុននេះ។ យ៉ាងណាមិញ អ្នកបោសសំអាត បានប្រទះឃើញ សាកសពកូនង៉ែតនេះនៅក្នុងបន្ទប់ទឹក កាលពីថ្ងៃទី ៩ ខែសីហា នៅក្នុងបារ Starters Pub នៃ Bethlehem ដែលមានចំងាយ ៣០ម៉ាល ឬ ជាង៤៨គីឡូម៉ែត្រពីភាគខាងជើងនៃរដ្ឋនេះ។ តែតាមគ្រូពេទ្យ ដែលបានធ្វើការវិនិច្ឆ័យបាន ឲ្យដឹងថា នៅពេលដែលក្មេងនេះកើតមក គឺនៅមានជីវិតនោះទេ។

ទោះជាយ៉ាងណា ស្ដ្រីជាម្ដាយនេះ មិនមានហេតុផលគ្រប់គ្រាន់ ក្នុងការសម្លាប់កូននោះទេ ដោយគ្រាន់តែនិយាយថា នាងមានអារម្មណ៍ថាភ័យខ្លាចប៉ុណ្ណោះ។

នេះជារឿងដ៏គួរឲ្យហួសចិត្ដមួយ ដែលនាងបានសម្លាប់ជីវិតកូនខ្លួនឯង ដោយយកលេសថា ដោយសារតែភ័យខ្លាច។ ចុះប្រិយមិត្ដយល់យ៉ាងណាដែរ?

ប្រភពពី បរទេស

កែសម្រួលដោយ ម៉ា

ខ្មែរឡូត