ពស់វែក៤ក្បាល ក្លាយជាអង្គរក្សយាម កូនង៉ែត (មានវីដេអូ)

វីដេអូមួយដែលធ្វើការបញ្ចូលទៅក្នុង យូធូប បានបង្ហាញពីពស់ពិសជាច្រើន បានវារយាមជុំវិញ កូនង៉ែត ដ៏គួរឲ្យខ្លាច។

ជាមួយគ្នានេះ មានពស់វែក៤ក្បាល ដែលគេប្រទះឃើញ នៅជុំវិញកូនង៉ែតនេះ ដែលកូនង៉ែតនេះផ្ទាល់ ក៏យកដៃទាំងពីររបស់ខ្លួន អោបពស់មួយក្បាលដូចគ្នា ដែលមើលទៅដូចជាអោបតុក្កតាខ្លាឃ្មុំ។ សម្រាប់វីដេអូនេះផ្ទាល់ បានធ្វើឲ្យភ្ញាក់ផ្អើល ដល់សាធារណៈជនជាច្រើន ដែលកូនង៉ែតនេះដេកពីលើភួយ នៅលើដីខ្សាច់ ដែលទីតាំងពិតប្រាកដ មិនត្រូវបានបញ្ជាក់នោះទេ។ យ៉ាងណាមិញ មានការបញ្ចេញមតិជាច្រើន ទៅលើវីដេអូ ដូចជា តើឪពុកម្ដាយអាចទុកកូនចោលនៅជាមួយនឹងសត្វពស់ ដោយរបៀបណា? ហើយអ្នកខ្លះក៏និយាយថា សត្វពស់ទាំងនេះប្រហែលជាមកពីប្រទេសឥណ្ឌា ដែលជាធម្មតាមិនមានពិសនោះទេ ខណៈពេល ដែលអ្នកដទៃយល់ថា ពស់វែកទាំងនេះប្រហែលជាដកចង្កូមចេញអស់ហើយ។

ចុះប្រិយមិត្ដហ៊ាននៅក្បែរពស់ដែរឬទេ?

ប្រភពពី បរទេស

កែសម្រួលដោយ ម៉ា

ខ្មែរឡូត